O naučniko taro Instituto opservacia I geometria tari galsaksia em planete so si konektirime seizmičko aktivitetoa o Frenk Hugerbets angleder trin divesa vakergja o than em o zoralipa kobor ka ovel e phuvjakro tinaniba so ulo ko 6 fevruariu ki simantra maškar I Turkia thaj Siria.
- Akala dives aka ovel zorlao phuvjakoro tinaniba magnitudaja М 7,5 ko akava region (dakšimcentralnikani Turkia, Jordan, Siria, Liban) – hramosargja ko piro Twitter o Hugerbets ko 3 fevruari.
-Mo ilo dukhala man em sium savorencar so si ko akava baro phuvjakoro tinaniba ki centralno Turkia . Sar so vakergjum angleder odova ulo ko akava regioni, isto sar so sine 115 thaj 526. Akale phuvjakere tinanibaske sako drom angleder isi kritičko planetarno geometria , sar so sine ko 4-5 februar –vakerel o Higerbets so prognoziringja angleder akava katastrofalno phuvjakoro tinaniba.
Trujal so majpakjavutne kerel pe lafi slučajno koincidencijaja em špekulacia importantno si so akala notacie taro Hugerbets, bibahtake ule saste kana akava katastrofalno phuvjakoro tinaniba zolaipaja taro 7,8 digria aso Rihter khuvgja ko dakšim e Turkiake ko palokurko ko 04:17 o časo prekal Turkiakoro vakti.
