Oftoberšengere phralja bliznakoa pašljona ko purano dušeko ko phago kher ki mahala Vrela Ribnička ki Podgorica a ki lati pherdo makhja. Na keren lafi, na phirena, na asana . Ola našti ni vakeren pire dukkha, I Cerebralna paraliza kote si o duj džene nasvale na sine ko vakti tretirimi. Akana olengoro dživdipa si seriozno teleperavdo.
Na resel nisavoo suporto tari them soske si apatridia , nane len themutnipa, dokumentoa trujal so si bijame ko Montenegro, Olengoro dat o Bidaimi alo taro Kosovo angleder 24 berša . O manuša so si apatridia koo Montenegroi si ili roma ili egipkjania . Ola si but diskriminirime nane len šajdipa sastipaskere protektivake, socialno, jail te len love socialno em te khuven ki buti.
Sebepi so na resle te len dokumentia ko Montenegro soske na sine registririme ni ko Kosovo ov akate alo bizo dokumentia . “ Kana bijandiljum mod at na prijavingja man sine alkoholičari em na sekiringja pe mange. Odova notiringja mande em akana mire familia soske bizo dokumentia siam em me em miri familia. Akana nadžanav sar ka resav te lav dokumentia em te dav arka mire čhavenge” vakergja ov bašo Centro rodaripaskere žurnalistenge деца“, an o Montenegro (CIN-CG).
O bliznako so si salde nekobor minutia phureder , pohari bajrola. Hala salde kašasto hajbe em si le bare dukkha, Ov na komunicirinel ni jakhencar ki akaja tikni prostoria., Divesencar olende dikhel I dujto romni taro Bidaimi i Daniela. I biološko daj e bliznakongiri mukhlja len samo so bijangja len.
