O partisko funkceoneria thaj aktivistia but droma istemalkerena o nakanonikane aktia te šaj keren presia ki alusaribaskiri kampanja e membrenge taro socialno teleperavdi kategoria thaj minjoritetengere grupe. Majbut sar “partisko kurbani” bibahtake si i Romani populacia
O majčorole manuša sako drom si kerde telal politikane presie sar “lokho targeti” . Ki paralela e avere populaciaja ko Roma o nivelo taro butikeriba thaj ki edukacia si but potele a o šartia dživdipaske si but majbilačhe.
Ki kombinacia diskriminaciaja em marginalizaciajaj akala faktia kerela e Romen but lokheste te kerel pe upral olende presia thaj manipulacia taro politikane akteria.
I presia upral o Roma po desavo drom avela em taro minjoritetengere partie. Presie keren but droma em o korkoro romane politikane partie thaj plitičaria.
Ola dali si partisko aktivistia jail partisko membria jail sar koordinatoria bašo desavo romano pučibe, membria taro romano NGO sektori jail nacionalno konsilia thaj avera Roma.
