O govermento ka pukjinel barabutne 24.000 eura e familienge ko duj Roma so mule telal nadžanle faktoria kana sine ko phanlipa ko 2017 berš , vakergja o Europakoro centro bašo Romane hakoa.
O Europakoro kriso manušikane niamenge (ECHR) phanlja duj aktia palo reslo kompromiso naškar membria e familiengere em o Govermento.
O Andrias Redžepov 21 beršengoro Rom so mulo ko phanlipa ko Idrizovo, Skopje ko 11 mart 2017 berš . O ECHR akcentirinena kaj sine notirime kaj mulo tari lendo metadoni trujal so na sine narkomani. Isi faktia kaj ko nekobor sastia angleder te merel o Redžepov sine but mardo. Oleskere jeria ka len lovengiri kompenzacia taro 6.000 eura individuano.
O Jusinov Erdal sine le 26 berša so mulo ko 23 mart 2017 berš ko phanlipa ko Štip kana saatencar angleder te merel na sine leske dendo medicinakoro suporto . O Jusunov sine prandime em dar taro 3 beršengoro murš čhavo em 1 beršemgiri tikni čhaj . Akale akterske isi faktia kaj sine mardo taro phanlipaskere bukjarne em o doktoria. Oleskiri phen ka lel lovengiri kompenzacia taro 12.000 eura.
Taro ECHR vakerena kaj akala meribaskere aktia si kotor taro seriali taro štar meribaskere aktia upral Roma phanle ko periodo taro 9 masekoa ko 2017 berš ko nekobor phanlipaskere institucieki Utarali Makedonia. Ki Utarali Makedonia vakeren odothare i šema taro akala maetripa si droga em akcentia tari brutalno tortura bapalal kote so o ECHR legarela krisisikere aktia panda taro 2010 berš.
„I sasti Utarali Makedonia valjani te džanel kaj akala tragično meribaskere aktia si bari ladž e themake. Akava si trinto akti ko agorutne berša so o ECHR tužingja e Utarale Makedonia em lelja miljemcar eura sar kompenzacia e familienge taro phanle Roma so mule - em džala majodoriga te kerel rodaripa ko nafiltiririme aktia taro meripa em ka lel jurisdikciakere konsekvence te na kergja i them o džovaplipa olengere anomalienge. Taro 2017 berš asavke feleria e Makedonia sine pukjime 33.000 eura sar lovengiri kompenzaci, a o ECHRsi la panda aktia so udarel pe finalizacia. Akava trubul te ovel mesažo e themake kaj i institucionalno diskrimibacia si kuč, a amen ka ova siguritetno odova čače te ovel kuć” vakerel o presidento taro ECHR o Gjorgje Jovanović.
Trujal so o kompromisi na kerel kaj ka ovel vazdime kriseskoro akti mujal i them vakeren atro ECHR asavko pukjiba komepnzacia sikavel jekh serioznoperaviba e manušikane hakoenge em šaj dikhel pe kaj i them kana na notirinela asavek aktia odova si bari doš olengere rigatar. O ECHR akana ki konekcia e naregisitririme meripaske taro jekh aver Roma o 39 beršengoro Bekim Demir , udažrel pe finalizacia akale akteske ptrekal o ECHR.
