O portparolia ko Kovernmento tari Republika Utarali Makedonia o Muamet Hodža em o Duško Arsovski ki press konferencia prezetntiringje detalia bapši andi decizia ko deiba love taro koncesioneri TAV so valjani sine te kerel pe kargo aeroporto ko Štip , a akana ka finansirinen pe proektoa ki sasti them.
Sar so vakerel o Arsovski e 35 milionia uera ka startujnel pe I realizacia taro 99 infrastrukturno proektoa ko 75 komune.
Kerel pe lafi ki realizacia infraystrukturno proektoa so ka lačharen o kavliteto dživdipaske ko dizutne, O love ka oven dende te keren pe panjeskiri infrastruktiura, fekalno em atmosfersko kanalizacia, rekonstrukcia e lokalno dromenge , tamikeriba gardenia , rekonstrukcia e školenge , rezervoaroa panjenge, sistemi panjeske em aver proektoa.
Upreder 1 milioni eura ka len o komune: Šuto Orizari, Štip, Čair, Strumica, tetovo, Kičevo, Struga, proektenge so ka lačharen e mmanušeskeoro dživdipa.
I diz Skopje ka lel 6 milionia eura duj proektnege I klučka ko Momin Potok thaj I phurt Karpoš.
Eventualno pozitivno diferenciua maškar o proektirime em realizirimi moldi, ka oven o love dende ki ekstra konto ko Generalno sekretarijato ko Govermento a o love ka oven dende ko užariva o lindanti ki avlin e fabrikake OHIS.