O Robert Pešut , popendžardo sar Manjefiko, kreatri si e muzikake ko filmia „Montevideo“ em o seriali „Senke nad Balkanom“ em autori e hiteske „Pukni zoro“.
Ko pučiba dali palem ka ovel le barabutni buti e Dragan Bjelogrličea ko trinto sezona taro serijali „Senke nad Balkanom“ ov vakerela: „Džabe me te karav planoa, o pučipa si dali ov mangela mancar te kerel buti. Ov planirinela em mange da. Ov na pučela dali ka kerav buti, numa samo ka vakerel kaj mora te kerav buti, em te vakergja ov kaj ka kerav buti me ka kerav ki trinto sezona akale serialeske.
Ko jekh disave nastandardno aktea vakerel kaj oleskiri gili „Pukni zoro“ si „majskupo“ gili ko kafane. Odoleske o Manjefiko vakerel : „ Mire amala Roma tari Srbia but drom telefonski akharena man em vakerena „Phrala lelem bare love , svaka čast“ Isi tut amendar hajbe em pijbe te častinatut em peko baloro“Ola kana vakeren kaj si agjaarm tegani čače si agjaar. Nane ola džabe te zvoninen mange te na sine agjaar“
Ov vakerel kaj o autorsko niamia na interesirinen ole em na dikhel but ko odova soske mrzinelal le te džal ko adalatia sar svedoko em odoleske ni zamarinel pe odole momentia.

fShare

Tweet