Enja taro deš manuša ko 70 thema so si majčorole majpakjavutne nane te oven vakcinirime mujal o Covid 19 o berš so avela soske o butipe taro majoptimalno vakcine si kinde taro majbarvale themendar , vakerel i Alijansa „ People Vaccine“, kote membrora si nekobor internacionalno organizacie , sar jekh olendar em I Amnesti international. I Bari Britanija startujngja vakcinacijaja ple manušen e vakcinaja “People Vaccine” vakerel kaj o Govermentoa taro majbarvale thema kinena but taro akala vaccine , odolea so mukhen e čorolen themen te našti te kinen. “ O barvale thema so gejnela 14% taro sa oi populacia ki lumia lele dži akana 53% taro akala doze tari vakcina mujal o Covid 19. Salde I Kanada isi len beštelujme vaccine so ka šaj 5 droma te vakcinirinel sa pe dizutnen. Ten a trampingja pe khanči drastično , milijarda manuša na ka resen dži ki vakcina mujal Covid 19 “ vakeren taro alijansa. O sasto artiklirime numero vaccine taro „Fajzer/Biontek“ ka džal ko barvale thema, kote ola kingje len 96% taro doze , a I vakcina “ Moderna” si salde e barvale themenge. O duj vaccine si but kuč em trubul te oven skladirime ko ultratikne temperature , so kerel panda majphareste te šaj lena o počorole thema. O Oksford thaj “Astra Zeneka” vakergje kaj 64% tari lengiri vakcina kadjan ko thema so si ko progresi , so sine lache notirime tari I Alijansa , akcentea kaj jekh kompanija nashti te kerel vakcinacijaja sa e saste lumia. „Ola majbut šaj te distribirinen ko 18% tari lumiakiri populacia o berš so avela” vakeren taro “People Vaccine”

fShare

Tweet