O Romano muzei tari kultura so si ko drom Ruzveltova sine phagle ko trintodi ko 16 o časo. Akanaske napendžarde persone phagle o vitrine taro muzei em kergje sa rastur ko eksponatoa ko muzei . Sar so vakergja o direktori e Muzeeskoro o Dragoljub Acković oleske tari i policia javljargje kaj isi nered ko muzei , ama nadžanel pe dali si khanči čordo.
O Acković vakerel kaj leskere bukjarne vakergje leske kaj si ko odori ola lana i policia kergja dikhiba akale akteske.
-Me na sium sine ko odova momenti odothe soske udžarav sine o rezultatia taro testia baši korona virusi , ama šungjum kaj sine čoriba ko muzei, - vakerel o Acković.
Ov vakerel kaj i policia ko vakti dikhle kaj si phage o udara em o vitrine em sine irame bukja –eksponatoa nekobor bukja so sine odothe. Jekh si šukar so nane phage o inventari taro muzei. O Acković vakerel kaj dži akana na sine nesave lošno bukja ko akava muzei.
–Majpakjavutne o napendžarde manuša rodena sine desave love jali aver skupo eksponatoa . Akanaske našti vakerav kaj nešto čorgje taro muzei. O Muzei ko vakti taro akava incidenti sine phanle, a akana da phanlo si palem.

Link: https://romaworld.rs/obijen-muzej-romske-kulture-u-beogradu/?fbclid=IwAR0iK1HfMpKzzf3oJdOxqLftGpwx3o96TzRiBhFPdvDtRmL43z_JxtTODIM

fShare

Tweet