Paše deš seksualno bukjarne so pli agjaar anavkerdi “tezga” ikeren ko reoni maškar I Makedonska televizija, I buti rakjate akana keren la em diveseskoro . Faktori soske počmingje agjaar te keren buti sar so vakeren kotor olendar si kaj isi hari numero klientela ko rakjakere saatia sar ki them uli I pandemia e korona virusea.
Tikno numero klientela sar so vakeren isi em ko nilaeskoro periodi , em ko jekh agaajr sine em angleder deš divesa pa angje decizia kaj ka keren “buti” salde prekal o dive. Neko olendar vakeren kaj agjaar si sebepi o Covid 19 em majsigurno si kana keren buti prekal o dive , soske rakjate isi lenn problem e policijaja so “asatrel len sine” amaem e klienten astarena sine.
– Sar ulo akava e korona virusea tiknilo o numero taro klientia rakjate. Počmingje o murša ten a aven sar so avena sine angleder. Angleder sine em po 5-6 mušterie ki rat em maškar o džuvlja sine em čhingara. O tikno numero klientia kergja neko taro odola džuvlja te tiknjaren I tarifa . Angleder I korona I tarifa sine taro 15 dži ko 17 eura. Akana I tarifa si jekvaš. Buteder taro o klientia na lena peja ni kondomia em odoleske o kondomia kinena leno korkoro džuvlja em dena le pe klientenge. Kana ka iskalkulirina kobor daja love e kondomenge ola vakeren kaj keren buti bašo 6-7 eura.
Ladž na ladž amen da keraja buti kora mareske prekal o dive da soske ka mera bokhatar. Vakerel I 37 beršengiri Suzana, seksualno bukjarni taro Skopje.
Olakiri “cimerka” I Ajnjura taro Tetovo em vakerel kaj si la 23 berša takjardo upral thardi jag trujal I len Vardar vakerel kaj oj da ems a o aver džuvlja darana tari korona virusi.
– Rakjate nane tut vakti te dikhe si li o klienti nasvalo jali sasto . Dikhe so posig te agorkere i buti . Rakjate našti dikhaja dali neko taro klientia legarel maska jali na dali khujnel jali si nasvalo. Akana diveseskoro si hari majlokheste šaj dikhel len , dali keren problemi o klientia em o normalno dizutne šaj em te reagirinen – vakerel akaja terni džuvli.
Trujal o drumo “Dimitar Vlahov” taro starti e Makedonikane televizijake isi paše 20 seksualno bukjarne . Hulavde si ko grupe jali sar so vakeren ola korkoro ko kasaja pendžarel pe jali si amalinja.
O poterne džuvlja so keren akaja profesia ikeren o reoni taro MKC, a okola so si hari phureder si kaj o MRT em o benzisko stasioni.
Pobuter olendar vakerena kaj sar počmingje te keren buti em diveseskoro akana si majsigurno , em ko vakti dikhen e policiakere patrole so but droma na mukhena sine te keren po “biznisi” e klientencar.

Link: https://www.slobodenpecat.mk/seksualni-uslugi-i-preku-den-vo-skopje-sram-ne-sram-rabotime-preku-den-za-korka-leb-inaku-ke-gladuvame/

fShare

Tweet