Ko sa o riga o 56 beršemgoro Sabit Tatari taro Novi Sad rodela arka. Premal leste akana ko 26 oktobri ov em avera 4 familie ka ačhon pe droma. Olengoro numero si 20 džene.
Sar so vakerela o rajo Tatari oleskoro dat panda ko 1977 berš kingja 1 hektari placi em kergje peske kher odothe Ole si le em kontrakto kinobikinibaske. Saste 43 berša palo odova dživdinel ko kher so akana peravena le.
O problemi ulo angleder 17 berša kana uzal leste javer kingja placi taro 1 hektari Palo disavo vakti odova than sine hramosardo sar than e avere manušeske em oleste akana si le 3 hektaria sar gazda. O Sabit pučela sar šaj palo 17 berša džajbe ko adalatia te anen decizia te peraven o kher trujal so idecizia nane krisine phanle.
