Ki Srbia astardo si o neonacisto Eric Lamers (60) thaj oleskoro dat o Moris (85) sebepi došperavipa seksualno terorske upral čhavo ki Belgia, akcentirinela o medium "Nieuwsblad.be".
Sar so hramosarela ola akava kurko ka oven dende e belgiakere ofisenge numa o krisi tari akaja them panda na oficijaliziringja akava akti kaj ola si astarde. O Lamers sine anglutne da krisimo em ko phanlipa sebepi dujdrom mudaripa ko Antverpen em jekhe akteske kote dengja arka jekhe pire amaleske te parunen jekhe manuše , em sine ko jekh pučljardo soske sine le konekcija e kriminalno grupaja anavkerdi sar „ Barbandsja banda“ kote ko 80-to berša mudargje 28 manupen em sine len baro čoribaskoro kriminaliteto. O Lamers jekh drom sine astardo ki Srbia ko 2008 berš. Tegani o procesi sine paše jekh berp sa dži kote na sine deportirime ki Belgia.
