Ko akana sig kerdo teroristikano atako ki germansko diz Hanau ko pašipa taro Frankfurt kote 43 beršengoro germanco Tobias. R. Ko duj šiša bari mudargja engja persone , kote palo odova korkoro mudargja pe em mudargja pire daja , ko mediumia iklileo kaj maškar o viktimia sine em jekh 35 beršengiri germansko themutni romane darfhinalipaja i Mercedes K. (35) so si la polsko darhie.
Ko odova mudaribaskoro atako čačipaske sine mudarde panda duj Roma. Kerel pe lafi bašo 23 beršengoro Vili Viorel Pjun, Rom so avel tari Romania. Sar trinto viktimi sar nacionaliteto Rom ko jekh si em o Kalojan Velikov (32), bugarsko themutnipaja.
Odotar ikljola kaj ko akava ratvalo atako ko Hanau, legargja trin viktimia so si Roma.
O motivo aso i policija si ksenofobia mujal o emigrantia.
