O Konsilo e dizjake Palma dengja lafi kaj ka del po 15.000 eura sakone familiake so korkoro ka džan peske taro problematično regioni ko Siniot Banja so trubul te implementirinel pe dži ko agor e 2021 berš.
Sar so sine notirime taro Antoni Noguera , dizjakoro konsiliaro kulturake em sociala e špansko gazetake “MM” Ultima Hora , o finansie sar suporto šaj te resen em 20.000 eura.
O familie šaj te alosaren te resen o love sar dopherdo budžeti te istemalkeren te pukjinen I socialno kiria so e dizjakoro konsilo majanglal dela e kherenge tari Palma.
Numa o familie so ko majbaro numero si Romane trubul te pheren nekobor parametria . Maškar o aver ola na troman te ovel olen aver apartmano jali piro biznisi. O čhavo trubul te džan ničale an i škola.
Dži ko 2021 berš trubul te oven pervade 85 khera ko Siniot Banja bašo paše 917.000 eura so ko momneti dživdinena paše 90 familie. Dži akana sine peraviba desave kherenge maškar o juli 2018 em mart 2019 berš kote anglutne sine paldime familie taro 31 kher aso ando dekreti tari them.
