Maskirime, brivdikane tetovirime Srblie, garazlie, a kosem mangen e kherutnen džanvaren, zorale em bilaheste tabijatea – si kotor tari ilustracia olenge o aktivistia taro „Levijatan“ so si formirime sar hramosarel ki olengiri web rig ko spontano khedipa ko 2015 berš ko Beograd.
Bilderia, tetovažencar em fantomke ko šero so kurtalirinen e džanvaren taro maltretiriba a okoleske so maltretiringja e džanvaren vakerena: „ Ma maltretirin len, ka arakha tut ko sian“ em but sigate irangje pis ama ko mediumia em resle simpatie taro o dizutne.
Numa o realiteto si aver . O Levijantia si naformalno nabda kriminalconcar swo si len fašistikani ideologia em akcentiribaja kaj mangen e džanvaren ola učharen po pedigre sar fašistia em kriminalcoa. I funda si olengiri kriminalno. Majbaro kotor olendar preperen ko narko klania, fašistikane aktivistia em banditia. Pobuter olendar si kriminalno dosieja em krisoskere aktia bašo mariba em narko aktivitetoa.
Ola si amala em paše familia pendžarutne narko dilerencar ki Srbia. Ola ko jekh si konektirime ko zorale maribaskere akcie em atakia mujal o Roma, homoseksualcia em aver “naamala e Srbake” O Leviantia istemalkeren hohavina em falsifikatoa te sikaven kaj o Roma si došale so o džanvaria si maltretirime .
Sar rezultati taro sa akava isne nekobor atakoa upral o Roma so kheden sekundarno gunoja a so si len grastane vordona . Ničale keren bare e maribaskere profiteren em e kriminalcon. Akava sine akcentirime em ko organizacia tari Antifašistikani akcia ko Novi Sad akale beršeskere
Weekend Media Festivala ko Rovinj, kote than lelja em I Jasminka Hercog taro kriaciakiri asociacia taro Leviantia em o Aleksandar Buhanac kaske vakerel pe kaj si “pendđardo banditie em fašisti# so si but aktivno maškar o huligania.
