I decizia bašo avutnipa e biande khereske taro Adolf Hitler ki austrisko diz Braunau, palo butberšengoro kriseskoro proceso definitivno angja decizia em ki olate ka akomodinel pe I austrisko policia.
O objekto ko avgust akava berp lelja la e austrisko them em ko sig vakti ka ovel hramosardo em konkursi neve formake em liko e biande khereske taro nacistikano lideri. Sar so si akcentirime ko kher taro Hitler ka oven čhivde I komunakiri komanda tari I policia em policiakoro stasioni taro Braunau.
Prekal o austrisko legaripa, agjaar ka šaj definitivno agjaar anavkerdo “ nacistikano turizmi” so o manuša ka šaj te vizitkeren o kher kote so nekana dživdinel sine o lidero taro Trinto Rajho.
O nacistia tari sasti Europa kana resena sine ko Braunau te šaj vizitikeren o biandio kher taro Hitler, em akana e austriakoro legaripa pakjala kana ko kher ka akomodinel pe I policia o nacistoa ka našti te den respekto akale objektiske (khereske).