47- beršengiri Elena , socialno bukjarni , sine neutralizirimi '- stelirizirimi mujal piro mangipa pada keda sine terni.
Oj tani jekh taro o štar Romane džuvlja tari Čehia taro romane jekhina, so si viktimia taro zor kerdi sterilizacia em keren naracia pire storiencar anavkerde sar: " Storie so nikana na počminena"
Sar drama premierno sine kerdi ki Ostrava, diz ki Čehia kote isi but Roma. I sistemsko sterilizacia e Romane džuvljake bizo te informirinen len resarinaja te tiknajren o nataliteo - sine themakiri politika ki eks Češkoslovakia ko vakti taro komunizmi.
I praktika sine oficialno čhinavdi ko 1993 berš, ama premal o informacie taro ERRC i praktika džala sine majodoriga em ko thavdipe taro 1990-tato em 2000-to berša, o agorutno pendžardo akti ki Čehiakiri Republika so sine em ko 2007 berš.
Pobuter taro 10 berša, i Elena si aktivno ki grupa Romane džuvlja so dena akava pučiba ki agenda em sukcesiale marena pe te čhinavel pe i zor sterilizacia ki Češko Republika.
Ola ko jekh rodena kompenzacia odoleske so si olenge kerdo, "Numa akate na kerel pe lafi salde lovenge. Akate kerel pe lafi em bašo athinalipa, em valorizacia kaj amare niamia si peravde" vakerel i Elena.
