Ko avgo klaso ko 1 septembro ka džan o čhave so si biame 2013 berš. . O anglutne berša o numero taro o čhave so džana ko avgo klaso sine paše 20.000 , ama akava berš ko buteder komune o numero hramosarde čhave si majtele taro udžarkerdo.
Ačhon panda paše 10 divesa dži ko starti e neve sikljojbaskere beršeske , a o libroteke thaj o dukjania počmingje te keren buti ko baro.
Ko jekhto septembro majlošale si o tikne čhave em olengere jeria so e sikljojbaskoro berš ka dodžakeren ahri majčuče familiarno budžetea.
te šaj jekh čhavo te džal ko avgo klaso ki škola o jeria trubul te hardžinen paše 8.000 denaria (130 eura). E pobare siklenge trubul majbut love.
Lokharibaskoro fakti si e jerienge so na trubul te kinen lila , soske o Ministeriumi edukaciake nekobor berša napalal dela o lila bilovengoro sa e čhavenge .
