Valas vakerel kaj jekhutni opcia si te palden pe thaj odova konektirinela o etnikano minjoriteto odoleske so mangel pe droma thaj keren delikvencia.

Jekvaš berš angleder odova ko vakti taro lokalno europakere alusariba panda ko 2014 berš ko anglonilaj o Roma sine šerutni tema pučibaske sar kolateralno zijani palo nasukcesialo akti ki socialno politika

O ministeri andrune bukjenge Manuel Valace odova ikerel sine tezaja kaj o ilegalno romane kampia si taro Roma so avile tari Bugaria thaj Romania so avile ki Frnacia thaj ko momenti ola si taro 5.000 dži ko 20.000 Roma so so planirinen olengiri deportacia.

"O roma mangen te iranen pe ki Romania jali Bugaria" vakergja o Valace so dophergja bizi ironaia kaj o govermentia akale duj e themenge trubul te keren " majbaro zori olengere integraciake"

Link: https://elpais.com/internacional/2013/09/24/actualidad/1380022331_876484.html

Taro 10 juni ki mari them startujngja te implementirinel pe o eksperimentalno statistikani operacia gejniba e dizutnenge so ka ovel dži ko 30 juni em ka implementirinel pe ko 13 komune .

Akava eksperimento ka ovel jekh forma simulacia e šerutne operaciake so ka ovel ko april 2020 . Akale eksperimentoa ka kontrolirinen pe sar funkcionirinen sa o instrumentia sukcesiale implementaciajaj akale majbare statistikane operacijaja.

„Akava ka ovel amenge sar reperi siam li ko čačutno drom , so trubul te kera majlačheste , so trubul te kera korekcia , te šaj o berš so avela te ovel seriozno , profesionalno hazri te kera sukcesiali implementacia akale čače majbare statistikane operaciake" vakergja i Jasmina Gjorgieva taro Sektori baši diseminacia thaj PR.

Taro Ofiso e statistikake akharen e dizutnen te ovel olen pakjiv ko manuša so keren akaja analiza thaj agjaar ka den piro suporto e realizaciake akale operaciake. Fundavno šarti te šaj registririnel pe manuš an i akaja operacia si te sikavel desavo dokumenti kote ka ovel le oleskoro ID numero.

Jekh taro nevipa so akava drom ka identifikujnen em personen so si an o stranstvo. Odoleske bičhavela pe apeli e dizutnenge so akana si akceptirime akale eksperimentea , a o berš so avel e perutne registraciaja dži kote si len paše familia so si avrial ko stranstvo te šaj te arakhen olengere matično numeria te šaj olende da registririnen len.

A okola so si ko stranstvo ko šerutni registracia o berš so avela ka ovel em korkoro statistikani registracia prekal elektronsko web aplikacia. O rezultatia taro akava probno akcia nane te oven editirime nikote , ola ka istemalkeren pe salde bašo Ofiso.

Akava probno statistikani operacia - gejniba ka ovel kerdi ko 13 komune em odova Kisela Voda, Zelenikovo, Gostivar, Jičevo, Struga, Dolneni, Sveti Nikole, Radociš, Valandovo, Kumanovo, Kratovo, Prilep thaj Štip.