Neko vakergja kaj o nasposobno manuša kana bi ovel olen piri them oj definitivno trubul ko than te anavkerel pe sar Republika Utarali Makedonia, trubul te anavkerel pe sar republika Nasposobno Makedonia?

Odokhare šuži them, šuži natura, bare resursia, bare šajdipaja, a olate te ćhive te dživdinen odokhare nasposobno manuša si saste napakjavibaske.

Si li akava refleksia taro fakti kaj sa okola so sine sposobno, educirime, gogjaver. madro intelegentno gele peske tari makedonia thaj na bešen pobuter akate, mukhibaja o nasposobno than em vakti panda majbut te zijankeren i them em te palden panda hari okola so ačhile sposobno ola da te džan peske avrial.

Paše 30 berša isi amen nasposobno političaria , nasposobno ministria, nasposobno menadžeria, nasposobno direktoria thaj aver.

Te mangljam te da amen godi kobor Premieria, ministria, gradonačalnikia, direktoria, političaria, biznismenia , menadžeria sine ko rakovodno funkcie ki Makedonia ko akala paše 30 berša ka dikha kaj majbaro numero olendar te dengjam amen godi kobor olendar sine len desave rezultatia em pamtinalen sar but šukare , o numero ka ovel jekhcifreno.

Ama odoleske kana sien funkcioneri em odova alusardo - čhivdo prekal partisko amin tegani si tumenge sa mukhlo em te na sine tut nisave rezultatia , ma džan ki buti, bojkotirinen i buti, den hohavne kvitungia, phiren tumenge avri tari them ki lumia ko themakoro harči, geren negativno bilanso ki buti . Odoleske isto face vrtinen pe ko krugo ko funkcie, avdive ministeri, tajsa dizjakoro šerutno, prektajsa direktori ki disavi themakiri firma ili institucia em agjaar sasto vakti.

Prosto našti manuš pakjala kobor nasposobno manuša resen ko kontinuiteti te len peske fiuno thana bukjake em rakovodno funkcie ko sa o sfere ki makedonia, em ačhona odothe kosem si isi len majšukar rezultatia.

Em ko agor te konkretizirina kaj ko faisali e problemeske e anavea ko than Republika Utarali Makedonia trubul sine te ovel anavkerdi sar Republika Nasposobno Makedonia.

Sa o zainteresirime dizutne te šaj len socialno penzia ko učipe paše 100 eura šaj džana dži ko socialno centroa ki them resarinaja te informirinen pe save dokumentia trubul te šaj te istemalkeren akava niami.

Socialno penzia šaj len sa okola dizutne so si themutne an i republika Utarali Makedonia majhari 15 berša , thaj nane len phurikani penzia , konektiribaja špersone so nane olen ni jekh dive bukjarno staži.

Ko familie kaj i romni da o rom da pherena o šartia akale socialno prioritetoske , i socialno penzija šaj lel salde jekh olendar soske si niami tari socialno protektiva thaj nane nisar konektirime e penzisko jali invalidsko siguriteto , vakerena taro Ministeriumi baši sociala.

O niami baši socialno penzia šaj te keren la dži kote nane len nisavo imot an o piro anav , te nane le penzia tari Republika utarli makedonia , jali aver forma love upral funda phuripe,, invalidnina, jali love tari aver them , thaj nane le prihodia prekal sa o funde ko agorutne trin masekoa angleder te kerel i aplikacia.

Niami ki socialno penzia našti te ovel le persona so ko faisali - rešenie taro centro e socialno bukjenge kaj si akomodime majlungo 90 divesa ki institucia so si avri familiarno socialno protektiva , sastipaskiri jali aver institucia.

Okova so ka lel socialno penzia si le niami ko axtra love so ka učharen o kotor taro energensia ko kher e masekonge taro oktomvri dži ko mart.

Okova so ka lel socialno penzia si le niami em ki sastipaskiri protektiva , a so o kanonia thaj aktia , dži kote našti ovel le sastipaskiri protektiva prekal javer funda.