O Slobodan Berberski si biame ko zrenjanin kote agorkergja fundavutni škola em gimnazia. Počmingja te studirinel jurisdikcia ko Beograd kana o okulatoria sebepi so sine aktivisti ko SKOJ ko 1941 berš, phanlel le. Sine aktivno ko socialistikani partia taro 1936 berš thaj lelja than ko NOB taro 1941 berš.

Ov sine pendažrdo romano aktivisti thaj jekh taro inicijatoria ki akcia e teganutne jugoslovensko Romenge telal o anav " O Rom rodela than telal o kham" so startujngja ko 1967 berš. Sone alusardo sar avgo presidento ko Avgo Lumiakoro Romano kongresi ko London ko 1971 berš . Mulo ko 1989 berš. Avdive da jekh drom ki beogradska mahala Zvezdara legarel oleskoro anav.
Ov hramosarel sine poezia kote ko oleskere tekstia majbuter teme sine socialno em revolucionerno. Palo odova inspiririme taro romane simbolia tari historias em sakodiveseskoro dživdipa počmingja te pišinel poezia so na sine ki romani čhib, numa salde čhivde nesave romane lafia ki srspko čhib.
O Berberski hramosarel sine bašo maribaskere bibahta , čorolipa thaj i diskriminacia ko Roma numa kamlipaskere motivoncar. Editiringja akala lila so o avgo ko 1950 „bašo biršimekoro vinožito„, palo odova „ Anglonilaj ko jakha„, „ Lelja„, „Kijameti”, „Askereskoro divesari”, „Gudlo dive”, „Punkto”, „O džajbe taro phral Jakala", „Sar bimorthikaere elenia", „Simantre”, „Sakodivesa”, „Naudžarde pajnja”, thaj i agorutni "Dub" taro 1986 berš Oleskiri poezia si kerdi translacia ki franciakiri, rusko, ungarsko, romansko, albansko thaj slovensko čhib.

Ki poezia maribaskere tematikaja ko gilja o Slobodan Berberski notirinel i gind kaj o mariba anela pea meriba thaj bibaht odoleske i poetsko ilustracia si kale thaj ratvale , ilustriribaja o sasto odova bibahtalipa ko mariba so em korkoro percepiringja le. Ko lil taro 1976 berš kerel gilja aso romane motivia sar so si o droma, i čerga.

O Berberski si ko ulipa tari lista pemdžarde romane laureatia e romane prozake sar so si o Rajko Gjurić, Jovan Nikolić thaj Trifun Dimić.

Sar ulo dislocirime o perono ko resiba e busenge ko beogradsko buseskoro stasioni odothe nane pobuter e hamldžien so legaren o bagaži . Akala manuša sine registirime em sare sine -Roma.
Ola vakeren baš odoleske kaj si Roma na mukhel pe lenge pobuter te keren buti.

O stasioni negirinel akala aktia. " nane hramosardo ando dokumentirano dekreto te avel pe ko peronia numa kerel ope lenge presia prekal o sekjuriti thaj i policia" vakeren o Roma

Sa o hamaldžie so legarena sine bagaži ko buseskoro stasioni ko Beograd si Roma. Maškar olende thaj o stasioni nane nisavo kontrakto bukjake numa isi len verbalno interno maškar kontrakto so pukjinen o roma te šaj khuven ko peroni ko stasioni odolea so kinen sine masekoskoro tiketo so sine 12 eura - Numa akan dislokacijaja e peroneske angleder duj masekoa pobuter nane lenge mukhlo te len asavke tiketoa.

O hamaldžie komentirinena kaj ko rodaripa tari i policia angleder desave berša ola sine registirime sar naformalno biznisi ko registari Agenciake.
O beogradsko buseskoro stasioni vakerel kaj akale aktea na kerel pe diskriminacia thaj ko sig vakti ka arakhen decizia bašo o problemi e bagažea.

Link: https://www.dw.com/sr/zabranjeno-za-nosa%C4%8De-prtljaga-ili-za-cigane/a-49737230