Ko agorutno periodo sdo nakhela jekh taro teme si ko Roma thaj o došekriba taro aktuelno deputati taro PCER o Samka Ibraimovski aso oleste o hardžime 25 milionia dolaria taro Romano NGO sektoro.
Aso i Asociacia DRS akaja anti kampanja mujal o Romano NGO taro Samka si jekh forma - garazi mujal nekobor romane NGO kote majbaro kotor olendar si an i Istočno Makedonia kaske o Samka dikhel len sar oleskere politikane rivalia . odova sine evidento kana trampingja e Aksel Ahmedovski sar Ministeri bizo resor
O reakcie tegani sine taro Roma taro akava regiono an i Makedonia mujal o Samka sine but negativno.
I akana o nifo kaj si hardžđime 25 milionia dolaria taro Romano NGO o Samka odova kerel sar garazi akcentea okolenge Romane NGO taro Istočno Makedonia.
O RDS majodorig akcentirinle si li o Samka kerdo plani kobor si oleskoro rejting ko Roma? Dali o Samka akalea kerel peske korkoro politikani dženaza oleske thaj e PCEReske.
Džanel li o Samka savo rejting leste isi ko piro koaliciono partenri ko SDSM thaj ko Zaev.
O Samka akale aktea chidel tari čhib e romane NGO thaj averen te dikhen ov so kergja ko plo vakti kana rodingja reparacia - kompezacia taro 1 milionia eura a dengje le 800.000 eura bašo oleskoro aso oleste zikankerdo moteli "Plavi" ko vakti em konflikteske ko 2001 berš . Kobor si realno akava momenti?
So ka vakeren o phureder "ma rode le tuke momoljaja" O Samka čhivgja li ki pli godi kaj te sine Parlamentarno alusariba sar ka rodel o vote taro Roma thaj sar ka kerel kolaboracia e Romane NGO sektorea an i realisacuia strateško dokumentia an o aktiviteto e Romenge.
Dali o Samka ka ovel "bisterdo lafi" an i romani politika?
Samka, Samka khede godi!- vakeren leske o Roma, akcentirinela o RDS
