I populacia an i republika Makedonia si sa majphureder thaj akana isi depopulacia. Akava sikavel o numeria tari analiza e siklenge ki fundavno škola an i them. An o peridoi taro 8 sikljojbaskere berša (2007/08, 2008/09, 2009/10, 2010/11, 2011/12, 2012/13, 2013/14 и 2014/15) taro kerde informacie taro Themakoro ofiso baši statistika šaj te anel pe konkluzia kaj sa si majtikno o numero taro sikle thaj tikne varijancencar tiknjaren pe o školsko klasia.

Karakteristikano si odova so o tiknjariba e numeroske e siklenge si ki sasti teritoria e themake thaj ko sa etnikumia.

Ki paralela e tiknajribaske o numero o sikle tari fundavno edukacia aso etnikumi o numero tiknjola thaj si evidentno ko sa o etnikane jekhina an i them.

An o 12 Noemvri , savato taro 12 o saati ko literaturno kafe "Metanoja" an o Skopje ka kerel pe promocia e abecedake ki romani čhib " Mo avgo lil šabdakoncar" kote sar autori si i Sevdija Abdulova Demirova. Sar recezentia si i Lena Damoska thaj Biljana Rudžarovska - Kjupeva.