O nevo kanoni pa fundavno edukacia, savo trubul te avel adoptirime katar o Parlamento dži ko agor e beršesko, ka avel ande leste jekh paragrafo savo na mukhel e studentos te paruvel e škole, numaj te paruven e dada thaj e deja piro bešipnasko than vaj adresa. Sar jekh taro mere te nakhavel pe segregacia e romane studentongi, odova sikavgja i ministari baši edukacia Vesna Janevska, savi avdive sine ani Bitola.

“Raštra na kerel segregacia, numa fizičko ulavipe e averčhande etnicitetengo, ko svako taro Roma thaj Makedonia, si rezultati taro tradicionalno dživdipa ki Makedonia thaj odova valjani te lel pe ko dikhibe. Ame zumavas vi te phenas kado kaj e krisi ando Strasbourg. Numa siguripaske amen ka kera disave mere, odoleske ano nevo Kanuni bašo fundavno sikljovibe, savo ka avel ki zor sigo palo nevo berš, mangaja te paruvel pe o rezoniribe ko disave foria, na numa ko Shtip thaj Bitola, thaj transferiribe taro jekh ko aver si zabranime te na džal e familija ko aver adreso. O sikavne ka len treningo thaj amen ka implementirina programia e siklenge, po lokhes ka lačhara akava problemi”, vakarga o Janevska.

Ko Decembro 2022 berś, o Evropako Krisi vaś e Manuśkane Xakaja kerdas decizia mamuj o OU "Gjorgi Sugarev" katar i Bitola thaj o OU "Goce Delechev" katar o Shtip kaj von phagerde e ćhavorrenqo xakaj vaś na-diskriminacia anθ-i relacia lenqe xakaja vaś edukacia, odolesqe trubul pe akaja segregacia 38 afektirime familienge dine len škoda kotar 1.200 eura, ja totalno 45.600 eura vash e duj škole.

Ko avgusto akava berš, o Bazikano Civilno Krisi ano Skopje arakhlja krisakere verdiktija kaj o Guverno, Ministeriumi baši Edukacija thaj Sciencia, Ministeriumi baši Buti thaj Socialno Politika, Ministeriumi bašo Sastipe, Themesko Edukacijako Inspekcija (DPI), o Komuna Bitola thaj Komuna Shtip, kergje diskriminacia upral čhave – Roma ano edukaciako procesi. Ande duj shkoli sitjon majbut romane chavora thaj si intrego romane paraleli.

E krisa dine larmo e themeske, e komunenge thaj e shkolenge te len e mesura te ashaven e diskriminacia.

fShare

Tweet