Terni romani familia taro Svitavi, Čehia uli viktimi taro atako taro jekh phureder murš kote bičhavel sine daravina thaj rasistikane maltretirinel sine len. Ov , sar so vakeren ikavgja em pištoli so na sine pherdo premal o terno Rom thaj manglja te phajrarel, numa sine čučo .
O incidenti ulo ko paraštuj 3 maj paše ko 18 o časo kana I terni Romani thaj olakoro rom parkiringjr ppiroo vorda anglal kher tari lengiri paše familia. I plicia baš Romea.cz. vakerel kaj kerel rodaripe akale akteske, nuuma sar so vakerela nane len panda nesavo fakti akale akteske kaj sine rasno mtivirime. “Šaj vakera kaj incident ulo ko 3 maj 2024 berš trujal 18 o časo k Svitavi. Amen keraja rodaripa”, vakergja o portparoli e policijake Marketa Janovska bašo server. Romea.cz.
„Kana irana amen sine taro marketi palda sine o vordon pe drom kotebešel mi bibi, a oja salde so khhuvgja pe vordonea thaj pire čhavencar ko kher, Parkiringjam amen thaj kera sine lafi ko momenti “, vakergja I terni Romni , kaskoro identiteto si pendžardo e Romea.cz thaj rodingje te ovel anonimno. “ Ko momenti jekh phureder manuš paldel sine o vordn thaj holjangja soske našti sine te nakhel. Miro rom chidingja o vordon pe rig em kergja than , numa manuš manglja te khuvel vastea amende thaj počminngja te del vika. Ačhavgja o vordon iklilo thaj del sine vika „Cigani, kale majmunia, ka mudarav tumen” vakerel I Romni.
Premal late I situacia eskaliringja . O murš so na sine pendžardo e familijake ikavgja majanglal jekh kalo tover taro plo vorda thaj maingja primal olende. Palo odova ikavgja pipštoli em direktno legargja le primal olakro rom. “ Ov basteringja o pištoli, numa bahtake na sine le kuršumi oleste. Siem sine ko šoko” vakerel I terni Romni bašo Romea.cz.
Nane klar pendžardo savo pištoli sine dali si čačutno pištoli jail vozdušno jail ko gas. Ko than akale incidnteske sine manuš so snimingja o sasto incidenti.
