Video: Tragedia: Jekheberšeskiri romani čhaj muli palo jekh dive kana sine dendi ki familia so arakhela čhaven, olakoro dat rodela antvorto

Jekheberšeskiri romani čhaj taro Pečenjevac ko Leskovac ko 4 septembro sine ando ki familia so arakhela čhaven ko gav Šarlinca, a o aver dive olakro dat sine informirime kaj oleskiri čhaj muli . Prekal panda naoficialno informacie taro pneumonia.

O bibahtalo dat vakerel kaj o dokumenti baši leskiri soglasnost deka dela pe čhave ki akaja familia sine leske bukvalno garavde dendo, a taro Centro socijalno bukjenge odova demantirinena.

„Rodava antvortia em faktia. Ake nakhle trin  kurke, a me panda ništo nadžanava, em na vakeren mange ništo ni taro o Socijalno Centro. Miri muli čhaj angjela mange khere bizo nisavi dokumentacia, parungjum la bizo dokumenti meribaske, a o raport tari obdukcia panda nane man” vakerel o Denis Demirovič , o dat e mule čhijakro.

O direktri taro Socijalno centro Predrag Momčilovič vakerel kaj o Demirovič odova dive korkoro bizi sugestia dengja pe čhija te oven dende ko famile arakhibaske em kaj sine respektirime sa  kanonikane procedure.

O akti akale tragediake dopherel ov, si akana ko kriseskiri procedura em dži anglal Učo Sasto Kriso ko Leskovac, a I obdukcia panda nane saste finiširime. Ki elektronsko sasipaskiri evidencia e čhaveskiri dikhela pe kaj ko 19 avgusti sine legardo ko doktori sebepi so dukhalala sine o krlo” vakerel  Momčilovič.

O dat pak  vakerela kaj I čhaj sine sasti kana dengja le ki odoja familia arakhibaske.

“Čače si kaj angleder jekh kurko  sine la temperatura. Legargjem la ko doktori ko

26, 27, 28 thaj 29 avgusto. Palo odva oj sine sasti. Dali o doktori dengja bilačho tretmano? Numa te sine agjaar sar so ola vakerena soske o čhavo na sine pregledimo taro doktori angleder te legaren le ki akaja familia arakhibaske ? Sikavel li kaj o socijalno bukjarne na resektiringje o kanonikane procedure?“, vakerel  o Demirovič.

O Direktori da vakerela kaj o čhavo bizi anglutno doktoreskiri kontrola sine dendo ki akaja familia.

Ko socialno netvorko sine editirime teksti tari organizacia REU , so nudingja e kaj e jerienge ka del bilovengoro niamalo suporto , ama bibahtake ko notirimo mitingo e prezedentea taro REU o rajo Imer Kajtazi na avilo  o Demirovič. Soske na alo panda nane pendžardo, hramsargja o presidento taro REU Parlamenti I rajona Tanja Jovanovič Milovanovič ko prio FB porfilo.

Link: https://resetka.rs/tragedija-jednogodisnja-devojcica-preminula-dan-nakon-sto-je-smestena-kod-hranitelja-otac-trazi-odgovore-video/

Video:

Pin It
FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 103 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali