I policia došperavgja trin e muršen bašo kerdo incidenti sebepi so sine ko jekh masovno maripa maškar Roma thaj Ukraincia so sine ko 1 juli ko Pardibice ki Čehia. I notacia taro krisi indirektno sikavela kaj duj lender si Roma , a jekh si Ukrainco. O rodaripa udžarela pe te ovel phanl sa dži ko agora kale masekoske. Incidenti kergja te keren protestoa nesave Roma . I policia majangleder došakergja trine ukraincon bašo kerdo incidenti , ama taro duj entitetia akana si len kriseskoro akti. „I policia vazdela akana došperaviaskro akti mujal trin persone bašo kerdo akti bunt ko membro 358 st. 1 taro Kriseskro kanoni. Duj došakerde si čehiakere themutne., a jekh ukrainsko” vakergja o krisari Aleš Veseli baši Romea.cz.
Asavke demostracie taro Roma akava nilaj sine em ko Brno em Kruska ko reoni Teplice. Reprezentoa e dizjakere I policia thaj Roma em ukrainsko membria khedingje pe ko Pardubice ko 3 juli te keren lafi baši akaja situacia.
