E italiakoro ministeri andrune bukjenge ki Italia o Mateo salvini dengja notacia kaj o buldožeria ka pervan o kher jekhe džuvljake sar so anavkergja la "Melali romni"
O rasistikano atako ko Twitter sine sar rezultati kote ko raporto jekh džuvli so dživdinel ko jekh romano kampo ko Milano vakergja kaj "O Salvini trubul te ovel khuvdo kurđumea ko čekat" Istemalkeribaja i forma e lafeske “zingaraccia”, kote ki translacia si sar " Melali romni" o Salvini ko Twitter havljargja " Si li normalno akaja Romni taro Milanmo e Salvineske te phenel - trubul te phajrarel pe leske ko šero"?
“Ov šukare Melalie Romnie ov šukar , ko sig vakti ka resel tut em o buldužeri" harmoasrgaj ov.
O komentari majzorale kergja reakcie ki Italia a nesave kritičaria vakergje kaj akava twitt sine bičhavdo ko dive tarinotaciaye Romane holokasutoske kana ko 2 Avgusto 1944 berš o Nacisto likvidiringje baro numero roma thaj Sintia.
