O žurnalistikano serveri Deník.cz havljargja nilaeskoro fenomeni kaj an i Čehia kana o kham tharela thaj o manuša džana te nangjoven ko bazentia prekal socialno netvorko thavdena informacie kaj o Roma šaj khuven odothe bilovengoro ko bazentia.
O raporto sar egzamplo editirinela jekh FB posti: " O socialno ofisia dena finansisko suporto e čorole kategoria manušenge te šaj bilovengoro te vozinen pe ko taxi, te kinen ko diskontia thaj bilovengoro nangjoviba ko bazentia" Aso olende akava nilaj o Roma ka uživinen.
Asavke hovavne informacie buvljaren pe panda taro 2010 berš kana o dizutne taro Havirov buvljarena sine hovavne info kaj o Roma bilovengoro khuvena ko bazentia.
Akava berš asavke dezinformacie palem si aktuelno an i north Bohemia. O Martin Mata direktoro ko ofiso komunalno aktivitetoske ki diz Usti nad Labem vakerela : " Bilovengoro khujba ko bazentia e Romenge ko amare bazentia si hohavno fakti thaj čače hohavin".
"O manuša buvljarena akala hohavne informacie te keren negativno emocie ko aver manuša", vakerel o Mata.
