An o 1 Aprilo 2019 berš e dizjakoro šerutno e dizjake Zaječar o Boško Ničić an o piro FB profilo editiringja video materiali kote dikhel pe kaj si hramosarde grafitia tari natolerancia taro napendžarde persone thaj hramosargja sar "Bigogjakoro"
Ov reagiringja thaj vakergja: "Avdive an i amari tromali diz kote o manuša na hulavena pe prekal nacionaliteto thaj religia ko drom Zemunska 14 sine hranosardo but bilačho fašistikano grafiti.
Sar manuš , a na dizjakoro šerutno pakjava kote o protagonisto- stia akale bibahtale aktoske tari natolerancia ka ovel notirime thataro themakere institucie thaj majsig ka ovel sankcionirime thaj procesuirime anglal o kriso.
E Romenge vakerava kaj šaj te oven tromale an i diz Zaječar sar so dži akana sine thaj ka da olen sasti protektiva thaj siguriteto vash majodorigutni emancipacia " hramosargja an o piro FB profilo e dizjakoro šerutno an o Zaječar o Boško Ničić.
Ko jekh an o duvar jekhe kherese sine svastika - fašistikani notacia thaj grafito kote sine hramosardo " E Romenge taro akava kher salde meriba"
Link: https://www.facebook.com/bosko.nicic/videos/1163315923847098/
