E Čehiakoro vicepremieri thaj ministeri bašo finasie o Andrej Babiš, akala divesa sine an i vizita ko utar e Čehiake ko nekanutno konc logori e Romenge - Leti , te del lulgja an o monumenti kote prekal 300 viktimia an o logori thaj panda jekh drom te jertisarel odoleske sni kergja antiroomano holokasutui persi kurko kana bibahtake vakergja kote odova sine jekh "normalno logoro e Romenge so na kerena buti".
- Me na mangljum te vakerav negativno. Me kategorično sium kontra o bilačhipa so sine akate, vakergja o Babiš thaj notiringja kote nikana na sine kontra romano Holokausti. O Babiš palo skandalo ko 2 septembro vakergja te jertisaren leske sa okola so sine astarde tari oleskiri vakerin so si ikavdi taro konteksti.
Barabutne e ministerea baši Kultura Daniel Herman thaj o ministeri baši Jurisdikcia Robert Pelikan , o Babiš vizitkergja i bari farma e balenge kote o komunistia ko starti taro 1970 berša ko akava than kote sine o konc logori thaj sa dži akantutne Čehiakere Govermentia sine lenge kuč akaja farma te legaren la ko aver than ma te oven ko akala nekanutne limoria e Romenge. O babiš dikhlja pe pe e gazdaja e farmake , a ko jekh sar ministeri bašo finasise dengja lafi kote o Govermenti ka arakhel love kote ko proceso si jali te kinel pe o than jali te dislocirinel pe i farma.
-Amen panda taro 1997 berp rodaja akava than te dislocirinel pe i farma. odoelske siem bare samaja kana šunaja dendo lafi. Mi daj nakhlja duj konc logoria. Oj vakergja kote o Leti sine but bilačheste numa o Aušvic, soske o than sine majtikno thaj late terorizirinen sine olakere manuša Čehia vakergja o presidento e Komiteteske tari reparacia e viktimenge taro romano holokasuti o Černjek Ružička.
O logori Leti sine čhivdo an o fašistikano protektorato an i Čehia thaj Moravia sar krisime bukajrno logoro a taro 1942 berš logori thaj phanlipa e Romenge thaj e manušenge so si taro hemime romane familiendar, thaj ko namanušikane šartia ki phari buti dži ko bokhalipa kote ko maripa mule 326 romane logorašia kote olendar 241 sine čhave dži ko 14 berša baripa.
Taro 1.308 Roma kote ko vakti e maribaske nakhle taro logori an o Leti, 540 olendar si legarde ko logori e meripaske ko majbaro germaniakoro nacistikno logoriu Aušvic Birkenau ko utar e teganutne okupirimi Polska.
Link: http://www.blic.rs/vesti/svet/vicepremijer-ceske-izvinio-se-romima-za-osporavanje-holokausta/0dfm8w2
