O Jean Rajnhart (23 januari 1910 - 16 maj 1953) artistikane anavea sar Đango Rajnhart , francusko romano jazz gitaristo , muzičari em kompozitori so si biame an i belgia si jekh taro majšukar em majbare muzičaria ko XX veko. Ov sine jekhto talento si iklilo an i Europa thaj ačhilo sar majbaro.
E violinistea o Stefan Grappeli o Rajnhart formiringja an o Parisi o Quintette du Hot Club de France an o 1934 berš . I grupa sine maškar o jekhto aso bašavena sine jazz kote sar front instrumento sine i gitara. O Rajnhart snimingja an i Francia buteder amerikakere muzičarencar maškar so thaj o Kolman Hokins thaj Beni Karter em sine tikno vakti an i USA e orkestarea taro Vojvoda Elington an o 1946 berš . Mulo taro infarkt kana sine le 43 berša.
Majpopularno kompozicie taro Rajnhart sine o standardno romano jazz konektiribaja thaj o " O tikno khuibe", " Dafne", " Belevil", " Đangologia", " Sving 42" thaj o " Nugasi".
O jazz gitaristi Frenk Vinjola vakerela sine kaj sako baro popularno gitaristi an i lumia sine telal i presia taro Rajnhart. Ko agorutne nekobor dekade o beršeskoro festivali Django ikerel pe ki sasti Europa thaj USA a hramosardi i biografia oleskere dživdipaske.
An o fevruar 2017 berp an o Internacionalno filmsko festivalo an o Berlin ikergja pe lumiakiri premiera e francusko filmeske "Đango"
