Sine thaj nakhlja o 21 April 2019 berš tari avgo rota taro presidenteskere alusariba an i them! I avgo rota aso o raportia nakhle an i fer thaj demokratsko atmosfera bizo seriozno incidentia.

O procdnto taro kobor iklile an o themakoro nivelo sine paše 41.8 % jali sumarum taro saste 1.808.131 te hanginen iklile 755.816 manuša. Aso TAK o Blerim Reka reslja 79.915 vote Gordana Siljanovska Davkova 319.240 a o Stevo Pendraovski 323.846 vote

An i dujto rota ko 5 maj funkcia pretsedatel ka alusarel pe mašpkar o kandidati taro VMTO DPMNE thaj i koalicia Gordana Siljanovska Davkova thaj taro SDSM thaj i koalicia Stevo pendarovski.
I diferenca an o vote si tikni thaj ka ovel interesno dujto rota hangiba.

A akana te irana amen hari aso romano elektorati. So sikavena o rezultatia? Sar egzamplo thaj relevantno parametri lendi si i komuna Š.Orizari centro e romane aktivizmoske. Save rezultatia si sikavde? But interesno thaj fakti si i situacia. An o Šuto Orizari sumarum si 23.765 manuša baši vota a iklile salde 5.152 jali "fenomenalno" 21,73%! Odova si duplo pohari taro procento so iklile an i Makedonia.
Ko jekh i diferenca maškar o duj kandidatia so khuvgje an i dujto rota si paše 500 vote jali 10% taro hangutne majbut bašo Stevo Pendarovski!

So si faktori so iklile but hari manuša? Sikavgja pe li o romano politikane lideroa anglal pire mentoria taero SDSM thaj VMRO DPMNE. Akava majbut si faktor okolenge so anglutne 3 kurke "mudargje pe te keren "sekfie" e Zoran Zaevea, o Stevo Pendarovski thaj Oliver Spasovcki thaj o FB atakujngje aktivitetea kaj kergje but bari mobilizacia e romane elektorateske. Numa o rezultati so sikavela.

Aso i matematika ako an i Šutka bašo Pendarovski dengje pire vota 2.351 dizutne thaj taro odola 21% so iklile sigurno majhari 500 si taro albansko elektorati thaj sikavel kaj o bare Romane politikane lideroa so dena sine suporto bašo Pendarvski (SDSM, PCER, SRM, OPE thaj avera )reslja sako olendar te mobilizirinel paše 300 Romen te den piri vota bašo Stevo! Odova sikavel sasti ilustracia taro baro takati taro romane lideria. Akava si čačutni tati čhamidin (šamarka) taro o Roma sa olenge. O Roma džanel te sikaven em te kazninen i fraza "Mle Roma" te slikinen pe akale čorole manušencar em o thana kaj so bešena. But šikare džanena te kaznine o fraze "Ka mara len 7:1" Neka kerel tumenge ahri buti i godi , soske paše ka oven te oven kosle tari lista taro aktuelno legarutni partia. Akava sikavel i čačutni percepcia thaj zoralipe mire amalalen!

Ko jekh an o momenti tari presidenteskiri kampanja taro jekh drom anglal savoren "iklili" nesavi civilno asociacia (terne intelektualcia) so diskretno peste korkoro promovirinena sar avutne " romane friško politikano rat" prekal pire virtuelno aktivitetia, mainifestoa thaj aver.

Numa sa si dikhlo! Akala alusariba sikavgje pe kobor odova !nevo intravrtno infuzivno romano politikano terno rat" . Pendžaribaja ko si sa maškar odola terne romane avutne lideria so majbut aven taro paščimalo thaj purabalo regionia tari Makedonia thaj kerdi paralela e rezultatencar taro centro e romane politikane aktivizmoske (Skopje -Šutka) ikljola kaj si reslo jekhutno efekti. O procento kobor iklie an o Tetovo thaj Gostivar so si 29,5% thaj 25.9% analogno odokhare iklile thaj Roma!

Te džangja pe ko jekh kaj odoja nevi infuzivno terni thaj avutni romani politikano takati olakiri mangin sine korkoro promocia anglal o govermento , ko pirabalo regioni an i thwem i Gordana Siljanovska Davkova si la majbut 6.000 vote pobuter taro Pendarovski!

Akala resultatia sikavena kaj akala terne avutne korkoropromovirime romane politikakare lideria so ikljilel taro romano NGO sektori si but "respektirime" ko Roma. Ola trubul te aven an i godi kote "solo khelibaja" thaj ignorancia aver romane faktoreske si bizi moldi sar alka ko romano politikano aktiviteto. O narcioidno aktiviteto na del rezultatia.

Akala čhamidina - šamarke thaj o nokdaunia neka oven sar faktor te iranen pe an o realiteto.Oven realno thaj ma te ujra but učeste. I Romani nacia nane salde statistikani informacia thaj gendo. I Romani nacia džanela but šukare te kerel kazna okolen so si korkronarcisoidno thaj keren salde bašo piro personalno intereso!

O setvo pendarovski thaj i Gordana Siljanovka Davkova i diferenca an o vote si salde 4.500 vote majbut e kandidateske tari legarutni koalicia so khvena an i dujto rota.
Optimizmea thaj kaj ka legarebn i viktoria an i dujto rota suportoa taro majbaro numero hangutne ka startunel i kampnaja sa dži ko 5 maj.

O Pendarovski rodaripaja majbaro numero suporto an i dujto rota vakerel kaj havel e elektorate so erati na iklile an o alusariba thaj so dengje piri vota oleskere mujal kandidateske.
O rezultatia nane nisavo naudžardea faktori so nane but bari diferencia maškar i Siljanovska thaj Pendarovski si refleksia taro napopularno ande decizie taro Govermenti thaj o bičalipa taro lokalno legaripa.

Bašo VMRO DPMNE o rezultatia taro o votibe an i avgo rota si baro motivo baši dujto rota.

O lideria taro SDSM thaj VMRO DPMNE havljargje sako peske viktoria , so udažren odova te verifikujnel pe definitivno viktoriajaj an i dujto rota.

I Siljanovska bičhavgja baro naiskerin vash o dendo suporto thaj vakerel kaja akana avel o čačutno maripa thaj e themake trubul nevo peofili političari. Olake o hangiba an i avgo rota si klar signalo dži ki pozicia thaj olakiri delegitimizacia.

Taro štabo taro Reka aćhola i vakerin kaj o leskere hangia nane te ove kinobikiba , numa oleskere simpatizeroa ka anen korkoro decizia aso piri mangin.