I Ajša Alić kerel buti sar pedagoško asistento an i FŠ "Vuk Karađić" upreder 15 berša.
Paše 97% taro olakere sikle si Roma. Sa akale beršenge oj olencar sine barabutne ko olengere jazie so but droma kergje la bibahtali, a sine thaj momentia kana o čhave čačutne keren la sine bahtali.
„Kana avilem an i akaja škola, majangleder kerav sine buti angliškolsko grupa. Me džanav sine kana ka nakhav sine tari mahala, kote me da bešav odori , ka arakhav ččhave trujal o gunoj, ka lav le vastendar, ka anav le khere mande, ka thovava oleskere vasta thaj muj em ka legarav le ki škola.
Miro majbaro sukcesi sine so o čhave ka agorkeren maškarutni škola" vakerel i Ajša, kote oj "pire čhavenge" tari i škola si ko kontakto, thaj dav len suproto kana trubul te hramosaren pe ki maškarutni škola.
