Panda jekh bari phursakj reslja o majnevo artiklo tari SP BTR thaj olakoro autori Zoran Dimov
Persi vikendi an i Bačka Topola ko IX "PROFEST" plo than lelja thaj o dokumentarno filmi "Lokalni Heroia - Lumiakere Talentia" so si kerdo an i Produkcia SP BTR thaj Studio 7, kaskoro autori si o Zoran Dimov thaj i režia taro Ajdin Isljami .
O filmi an i konkurencia dokumentarno sine havljardo sar majšukar thaj reslja o majučo phursako Gran Prix.
Odova sine jekhutni andi decizia taro festivaleskoro žiri kaskere kriteriumia sine čače uče.
Akana o filmi "Lokalno Heroia.." džala majodorig te lel than an o pendžarde festivalia an i lumia. Udžarel pe asavko phursako te lel panda. Akana sig ka lel than an o filmsko festivali "Bratina" an i Moskva, Rusia.
