I Internacionalno Romani Unia - IRU an i konekcia e aktuelno incidentencar an o Radnevo thaj o atako upral o Roma tari rig e Bugarenge , thaj o anglutne incidentia thaj hulavde atakia upral o Roma tari akaja them, reagirinena kote trubul te tromarel pe akava momenti thaj te ovel gogjaver lende akcie.
Sa akava legarel premal phravdi thaj rasno natolerancia premal o Roma an i Bugaria. Neko kamel tari jekh mafijaško kriminalno akti maškar duj grupe te kerel globalno percepcia e Romenge an i Bugaria. Odova sikavel thaj akava akti kote o bugarsko dizutne na kamen e Romen sar nacia ki pli them.
Trubul urgentno thaj efikasno akcia reakcia tari rig e Romane NGO sektorea tari akaja them, thaj o romano politikano subjekto kote bibahtake pobare aktivitetia sikavena kana si len proektia taro europakere fondia bašo lačharipa o statusi e romengoro, a ko asavke situacie si but pasivno thaj naaktivno. Ko jekh bičhavel pe apelo dži ko bugariakere mediumia kote akala situacie na tretirinen adekvatno thaj realno numa keren phravdi logistika e nacionalistikane partnenrenge so si kotor taro bugariakoro govermento thaj legaripa.
O phravde apelia bašo linči thaj terori upral o Roma si mesažia so si rizično thaj daravutne. Akava "globalno dilinipa" trubul te čhinavel pe a ko jekh o EU thaj o institucie te len seriozno akcie sa dži kote akaja situacia na lel majamasovno perimetro maškar o duj riga.
O IRU tari pli rig sar aktivitetia ka kerel institucionalno reakcia dži ko sa internacionalno faktoria an i konekcia e agorutne incidentea an o Radnevo thaj ka kerel reakcia phravde thaj dži ko Bugariakoro učo legaripa, kote pire aktencar na anel ni majhari te tikjnaren o tenzie, numa kerel kontra kote kamel " te resel pobare politikane punktia" ki pli antiromani politika, kote sa pobut si implementirimi ko periodi taro ple desave angloalusaribaskere kampanje. Asavki forma tari politikani agitacia so pobuter proklamirinela o koaliciono partnero taro premiero Borisov , thaj agitacia e nacional desničarsko politika thaj rasno natolerancia. Asavke kampanje si čhurik kote isi la duj riga čhinibaske.
