Ko konsultacie e presidenteas taro IRU o Zoran Dimov tari Romania informiringja e delegate thaj IRU membro o Katalin Staneski thaj oleskere aktivistoa taro „Romani patrida>“ hulaven info kaj šaj te evakuirinen em te len 100 Romane familie tari Ukraina em te akomodinen len ki Romania.
O Katalin vakerel kaj prekal o informacie e avere membrencar taro IRU em ki koordinacia olencar arakhlo si transporto em hajbe em akomodacia taro simantrakere nakhiba ki Polska, Moldavia, Ungaria thaj te legaren len dći ki Romania em olengiri akomodacia. Ola si ko teren thaj udćaren akharina em informacie te šaj te chiden ko drumo. Ko sig vakti udžaren pe em kontakt telefonia taro katalin Staneski em ka ove hulavde ko sociajlno netvorko.
