Ko vakti e ceremoniake ko deiba respekto e Romane viktimenge an o Holokausto an o Jasenovac sine akahrde thaj delegacia tari Internacionalno Romani Unia -IRU so sine legardi taro olakoro Presidento o Zoran Dimov barabutne e duj delegatorencar Mite Hasim tari BiH thaj Veli Husein tari Hrvatska.
An i akahrin an io protokolo aso o organizatori klar sine notirime o anav e IRU sle thaj olakoro presidento Zoran Dimov.
Numa ko vakti taro spikersko havljarin e misafirenge mangle jali na taro kabineto e membroske e Romenge an o Hrbvastko Sabor o Veljko Kajtazi kergja pe trampa ko agorutno momenti thaj ko than e funkciake "Presidento an o IRU" sine havljarde sae " Membro an o IRU tari Makedonia thaj bizi notacija e anaveske - Zoran Dimov"!
Aso oficialno bičhavdo protokolo taro organizatoria sar egzamplo 15-to an i lista sine notirime o Membro e Romane jekhinake tari Polska - Stahorp Tankijevič, , sar 16-to o IRU Presidento Zoran Dimov, 20-ro Orhan Galjuš membro e romane jekhinake tari Holandia, 23-to Nortmund Rudević membro e romane jekhinake tari Latvia thaj avera.
Numa an i korkoro ceremonia kana akharen pe sine e membren, na sine nisavo niće aso o oficialno protokolo thaj sar egzamplo o IRU Presidento Zoran Dimov sine akhardo palo 20-thaj nesavo aver numero!
Akava ki jekh forma sine sar diskreditacia akale organizacieak thaj formas nasikaviba respekto aso o IRU thaj i delegacia so sine odothe. An ojekh o IRU pakjala kote ko majsig vakti ka resel irami informacia taro Kabineto taro Veljko Kajtazo definicijhaja soske avilo džo ko akava nahavljovipa thaj saste jertisariba.
Aso o IRU an o avutnipa na trubul te keren pe asavke gafuia tari karana soske o IRU kergja respekto an i akaja akharin thaj lelja than an i ceremonia ki pli režia so pukjingja o drumo thaj avile te den respekto e Romane viktimenge an o Holokasuto!
O IRU udažrela ko avutnipa o rajo Veljko Kajtauo thaj oleskoro Kabineto te sikaven majbaro respekto aso i majpurani romani internacionalno organizacia thaj e membrenge so si upreder 40 thema an i lumia.
