Sar so sine anavkerdo taro Romano Tradicionalno Kriso an o kurko ko 18 septembro startea taro 13:00 o časo ki direktno Video Konferecia sine kerdo o procesi kote sine akharde 13 džene so trubul sine te den ple vakerina ko faktia kaj si krisime bašo akcentirime teleperaviba pire funkcienge thaj pozicie thaj eventualno finansisko malverzacie ko anav taro IRU.
O Tradicionalno Romano Kriso legardi taro Šefo o Gregor Julson tari Švedska thaj o membria Grattan Puxon - Britania, Stevo Radul Balog - Austria, Wica Mutto - Polska, Zvonko Jašarevič - Srbia, Stefan Widov - Slovakia,Todoro Muto - Rusiakiri Federacia.
Tari rig e Krisoske an o akava procesi trubul sine te aven o Zoran Dimov - Makedonia, Dorin Cioaba - Romania,Normunds Rudevisc - Latvia, Jovan Damjanovic - Srbia,Bajram Haliti - Srbia, Ioan Gruia Bumbu -Romania, Vasilie Drangoi - Moldova, Stanislav Stankiewicz -Poland, Dragoljub Ackovic - Srbia, Mihai Gheorghe Nedelci - Romania, Daniela Irina Hamidovic Magureanu - Germania, Alexander Bariev - Ruska federacia thaj o Jamie Sztojka - USA
Trujal i komunikacia sa akale personenge thaj ki kerdi koordinacia prkeal telefono thaj o e maila an o proceso sine salde o Zoran Dimov.
Sa o aver na avile an o akava procesi. Prekal o lafia taro šefi e Krisoske o Gregor Julson neko piro na aviba ko Procesi vakergje kaj si ko droma, a noko olendar thaj bichavgja ultimatumo te ikaven olengere anava tari odoja lista (, Daniela Irina Hamidovic Magureanu - Germania ) bso prekal piro FB profilo bichavgja daravina mujal o Stivo Radul Balog, a ko jekh premal olate o aver da membrora an o Tradicionalno Romano Kriso nane valdino.
O Zoran Dimov ko vakti e procesoske vakergja piro dikhiba anglal o Kriso. Akana ačhola i Kriso te dikhel o sa faktia thaj argumentia te džal majodorig e procesea sa dži kote na anel definitivno Dekreto thaj Decizia.
Ko linko majtele šaj te dikhen o sasto Proceso so sine direktno sikavdo an o linko ko Web sajto tari Internacionalno Romani Unia.
Linko:
