Prekal o informacie tari Internacionalno Romani Unia - IRU thaj o prezidento Zoran Dimov havljarela te del kriseskoro akti mujal Daniela Hamidović Magureanu, o džiakanutno thaj nevo delegato an o IRU.
Oj prekal socialno netvorko FB vakerela naargumentirime thaj verbalno šubikerina e prezidenteske taro IRU Zoran Dimov thaj indirektno e organizacia kaj keren kriminalno aktia sar so si o proekto so oj vakerela le sar "Holokausto".
Majnaglal i Magureanu bizo faktia thaj aktia verbalno šubikerel nesave kriminaloskeodolea so savoren anel ko duj golja em konfuzia thaj peravel o kredibiliteto thaj o respekto e organizaciake IRU thaj e prezidente Dimov.
Oj naargumentirime dela informacie bizo te sikavel desavo dokumento jali akti sikavibaja nesavi kartica taro IOM (so nane nisavi konekcia odole karticaja maškar o IRU thaj o Ztoran Dimov), kote vakerela kja odola kartice dengja len o Dimov e Romenge sar jekh forma kompenzacia taro Holokausto.
Oj akale aktea diskreditirinela ki majodorigutno relaziacia e proekteske "Buti ko geto" thaj e Germaniakoro penzisko fondi,a ko jekh devalvirinel i buti taro olakoro jurisdikciakoro membro o advokati akale akteske o Dr Frank repenhagen tari Germania.
Oj ko jekh paušalno vakerela kaj isi 5 IRU organizacie! E IRU skoro centralno ofiso thaj registracia taro satrti si an i Viena, Austria. Kola si odola aver 4 IRU organizacie?
Kote kerel pe lafi baši konfliktno persona so na kerel kontrola pire vokabulareske dikhel pe thaj tari olakiri vakerin prekal o FB kote bizo argumentia šubikerel thaj kerel konfunzia ki debata.
Prekal o IRU thaj o prezidento Zoran Dimov ola ka chiden kriseskoro akti mujal i Magureanu, thaj desave aver persone so ki akaja čipota si sar olakere "konsiliaria" , thaj mujal persone so ki olakiri diskusia ko FB dena komentaria sar šubikerin bizo faktia bašo "desavo kriminali" prekal o socialno netvorko.
Ko kontekst prekal o sasto konfunzno diskusia ko FB i korkoro Magureanu devalvirinela e prezidente Dimov an i konekcia e čhibjake ki komunikacia a na dikhel o fakti kote oj da korkoro gestikulaciaja kerel nahavindo , romani, srpsko jali rumunsko čhib.
Oj paušalno šubikerela desave proekteske an i Germania kote na vakerel savo si odova proekto, thaj na sikavel dokumento thaj aver. Sa odova si bizo dokumentia thaj faktia. So legarel pe dži ko dromaripa thaj mitingoa an i Europa o prezidento taro IRU oj džanel kote ko IRU budžeto nane love asavke formake dromaripa numa korkoro taro pire love pukjinel sine o droma thaj akomodacia so pobuter IRU delegatia da ko odola mitingia pukjinen sione taro pore love te šaj te keren pe o mitingia. Sa odova javno thaj paušalno teleperavel e delegaten taro IRU , a na sar so vakerel i Daniela taro desavo olake pendžardo budžeto!
Sa ko sa konkluzia si kote aso o lafia taro prezidento taro IRU o Zoran Dimov thaj o aver delegatora taro IRU ki debata tari Daniela Hamidović Magureanu na mangen thaj si telel olengoro nivelo tari komunikacia thaj mukhen averenge te dikhen thaj anen decizia savi persona si oj thaj save personake kerela pe lafi.
