Prekal statistikane informacie, o makedonsko  themutno so dživdinel an i germania ko prosek si 36 berš phuro, dživdinel jali butkerel an i them 18 berš, o džuvčka si an i prandine e muršea, a salde 16 procentia taro barabutno numero si biande an i Germania.

Prekal i kategoria phuripe , majbut taro Makedoncia so si len sasto jali limitirimo thanjaripa an i germania si manuša so si maškar 35-45 berš, barabutne 19.495. Pali olate si i grupa baripa 25-35- berša paše 16.000. Paše 51.000 makedonsko themutne an i Germania si beršencar 25-65, salde 3.500 biame an i Germania. O javer ale tari Makedonia jali aver thema.

Majbaro numero gastarbajteria sos i 20-25 berš so si len ofental barabutno numero si 13.487 džene. Pali olende si o "taze" gastarbajteria kaskoro ofental nakhel 4 berš si 12.800 džene. Paše 8.300 makedonsko themutne si len ofental jekh berš jali pohari. 

Paše 13.000 makedonsko themutne an i Germania isi len nafaislkerdo statusi, nane len ofental - 5.900 jali si len Duldung. 

Ko akava numero majbaro numero si okola so rodena azili, kote o germansko legaripa vakerel nane len panda niami te len ofental soske aven taro siguritetno thema. majbaro numero makedonsko gastarbajteria si ki pokraina North Reine Westfalia. Ko barvalo industrisko paščim an i Germania dživdinen 30.000 makedoncia. 

O trendi avipaske ki akaja pokraina si deceniencar napala soske odova si centari e phare industriake taro lumiakere pendžarutne kompanie. O Makedoncia majhari mangen i pokraina Mekclenburg Pomerania. Odothe trubul salde panda jekh makedonsko themutno te keren o numero 200 gastarbajteria tari akaja them.

fShare

Tweet