Pali dendi informacia kaj i Fondacia Phravdo sasoitnipa taro Soros ka hulavel em ka del e neve Europakere Fondaciake e Rmenge paše 100 milionia eura so posle ka legarel len ki realizacia ko proektoa e Romane jekhinake ko pbuter sfere ko buvljaripa e Reomenge tari Europa, em startujngja prekal scialno netvorko komentaria sar šaj te istemalkeren pe akala love, O kmentaria sine em pozitivno numa sine em buteder negativno.
Pozitivno si taro aspekto kaj ka kerel pe but ko thavdipa e proektenge so si knektirime e Romane jekhinaja . A ki negativno konotacia sine vakerdi i teza kaj odola love nane te džan kaj so trubul em čače istemalkerde. Kotar odova pesimizmi?
Ko odola kmentari majbut si notirime i teza kaj odola love ka ven izmanipulirime rm ka realoizirinen pe salde ki desavi grupa kote buteder taro Rma nane te dikhen olakoro benefiti.
Majbut si notirime o zavere em melale khelina taro desave organizacie em ko jekh kaj majbaro ktor taro love so si e Romenge agorkerena ko naromane organizacire, so nane len nisavo kontakti e Romencar em o Roma odothe khelgje salde „epizodno“ rolja. Odva stav iklljo taro negativno džanlipa ko nakhle peridoia sar kerel pe sine manipulacia akale lovencar.
Šaj li palem asavko te ovel akana da kana odole lovencar ka legarel i Romani fondacia em ka valjani te džanel te „kanalizirinel“ love kote čače trubula ko interes e Romenge.
A ko jekh te pakjal pe kaj akala lve ka oven jekh a jekh dende a na prekal favoriziriba nesave grupe, thema jali individualcia.
Ama o vakti ka sikavel ko sine ko čačipa, jali okola so si ne len negativno komentaria jali okola pozitivnoi. Nane majhari te ovel lokheste te kerel buti o timi tari akaja Romani fondacia kaskoro ofiso si ko Brisel a ko čekat taro rajo Željko Jovanovič.
