O Romane džuvlja arakhena pe pobut formencar tari diskriminacia , a isi em terori , em but droma na prependžaren em na notirinena o terori. I situacia šaj te trampinel pea ma na džanel pe kobor vakti ka valjani odoleske, O NGO sektori kerel aktiviteto ko akava problem te vazdel pe I gind I edukacia em ekonomsko progresi.
I diskriminacia upral o Romane džuvlja ikljola taro familie , a palo odova thavdela ko sa o sasoitne faktoria taro olengoro dživdipa.
Ola si diskriminirime upral sa o funde em phareste prependžaren odova em valjani but vakti te šaj ovel len niamia, respektoa em lačho dživdipa, maškar so vakerel em I terni Birsana Demirovska tari kumanovsko romani mahala Sredorek.
„Isi pobuter forme tari diskriminacia. Isi terori, ama o džuvlja na keren zori odova te notirinen soske gindinen kaj odova si normalno butu, o rom te khuvel le čhamidin jali aver”
O Romane đuvlja ko saste naagorkerdo čhavoripa khuven ko nalegalno prandina em palo odova ola sar čhave bijanen čhave.
Link: https://www.slobodnaevropa.mk/a/30295489.html
