Palo lungo relacie tari demokratsko tranzicia trujal Romano aktiviteti sine erati ki Skajp komunikacia nekobor membroncar tari i komisia, kaskiri buti sine deciziaja andi ko 10-to IRU Kongresi an o Skopje, Makedonia. Majanglal sine inspiriime taro koncepti taro Patar Antić an o Beograd, i savala te chidel i DT an i realizacia sine irame nekobor droma ko agorutne trin berša. Akana isi tehnikani realnost - šajdipa kerdi rigatar tari i Nin, so kergja but buti akaleske.

Akaja inicijativa si pendđžardi an o socialno netvorko thaj naoficialno lista so udžarel phravdo votiba an o sistemi kana ka ovel progreso ko alosariba thaj referendumia te šaj te ovel majlokheste.

Sar prezidento e Komisiake baši Demokratsko Tranzicia šaj te vakerav kaj akaja probno lista si aktiviisto tari Bugaria so dživdinel an i Britania . Okola aver so den signali kaj mangena si persone tari Slovakia, Čehia, Srbia, Makedonia thaj Iran.

Ko jekh sine urgentno antvorto taro Iran notiribaja ko radikalno transformacie an i dinamika e romane politikake.

Ka ovel kerdi agjaar so ko thana an i lumia kote našti te oven akana registririme o manuša Roma so ka voitinen te ovel optimalno operativno sistemi. Resarin si te kerel pe jekh baza tari lista kote ka oven taro 50.000 dži ko 100.000 hangutne , so ka oven konektirime dži ko vakti taro 11-to IRU Kongresi so trubul te ovel ko 2020 berš.

Odova akana si phare te vakerel pe kaj ka ovel numa trubul te kerel pe zori. Akana isi hari hangutne nekobor šel.

Fundavno koncepto si demokratsko tranzicia te bajrol o legitimiteti, džovaplipa thaj presia upral okola so ko avutne ka keren zori te sikaven e Romen an i lumiakiri politikani bina.

O Roma si ko drumo te arakhen zoralo thaj kolektivno vota. O suvereniteti e manušengoro trubul jekh drom te sikavel pe so ka ovel odova historikano fakti.

Numa isi than, tikno than, Komisia baši DT limitirime raportoa. Trubul majabro aktiviteti thaj avere ofisendar, koneskevtno protektive thaj aver.

Ko avipa taro 8-to Aprili šaj te akaharav tumen sa o zainteresirime te hramonen jekh kopia analize thaj raportia tari rig e d-r Tomas Acton bašo IRU 10-to Kongresi te čhivel pe e votipaskiri rolja an i šerutni agenda thaj te startujnel o proceso.

fShare

Tweet