Idž i rakj an o Skopje, R.Makedonia agorkergja o 10-to IRU Kongreso. O Kongreso sine taro 18 dži ko 20 marto 2016 berš. O importantno momento an o Kongreso si o fakti kote than lele 70 delegatora taro upreder 30 thema taro 5 kontinentia. Trujal delegatia tari Europa ple delegatia lele validiteti an o Kongreso taro IRU  si tari USA, S.Amerika, (Brasil, Argentina), Azija (India) thaj Australia.

I buti startungja ko 18 marti trujal utsavalkerdo phrajbe thaj vorba sine tari rig e, o rajo George Raducanu, REF Nadir Redjepi, EP deputati tari Britania Džejms Kerver, delegatia avrial tari Europa sar so si Bernal Džonson tari Argentina, Risši Verandra India, Niazi Taip Australia, thaj o Gratan Pukson  prekal o Syupe seljaminkergja thaj dengja plo suporti. Ko jekh plo raporto dengja o Pol Polansky.

I demokratsko tranzicia thaj elektronsko votiba sine avgo tema so kergje buti o delegatia taro IRU. I strategia thaj o čhani o modaliteti dengja i Nin Hoking tari Britania. O indico Riši dengja raporto baši Romani Diaspora.

Sako delegati individualno sikavgja o problemia thaj o akcie an o ple thema.

Ko dujto dive e kongreseske ikergjha pe naušno simpoziumi e Romenge taro Holokausti, lafi thaj raporti dengja o profesori Trajko Petrovski, Makedonia, Krivošej, Srbia, Rutko Kavčinski, Dr Tomas Akton Britania, Riši Verandra India thaj o Pol Polanski tari Amerika

Palo odova ikergja pe Romano biznis Forumo . Ko agor votingja pe o nevo legaripa taro IRU. Importantno momento si o reciprociteti murša džuvlja ko legraipa taro IRU.

Prezidenti si alusardo o Zoran Dimov, Makedonia, viceprezidentia si Jasmina Ahmetaj, Slovenia, Aguš Demirovski Švajcaria, Ajten Beranta Švedska thaj Gerard Linder Polska.

Generalno sekrtetaro thaj trezoori si Ramuš Muaren Makedonia thaj Veli Husein Hrvtaska.

Prezidenti an o Parlamento si o Stivo Balog Austria, Viceprezidentia si Angelica Maštakova Italia, thaj Stefan Kuzicov Švedska.

An o IRU Kriso prezidenti si o Jozef Džonson, Britania membria si Mite Hasim, Bosna, Gurali Mejdani Albania, Rosita Grofson, Finska thaj Gregor larlund Švedska.

Pali vizita an i Šutka ko agorutno dive sine drabardi thaj alosardi dekeretoa i andi IRU rezolucia an o akava 10-to IRU Kongresi.

fShare

Tweet