O lungohavljardo 10-to IRU Kongreso si anglal o udar taro 18 dži ko 20 marto 2016 berš i Republika Makedonia thaj o Skopje ka oven kherutne bašo paše 100 delegatora taro 40 thema tari sasti lumia.
Ko akava baro mitingo so si importantno e Romane populaciake tari sasti lumia sar te "kergjha buti" i uči gnd e romane aktiviteteske.
I majpurani političko romani organizacia IRU akava drom angja decizia te kerel fundavno thaj hor politikane aktia. Ko akava trin diveseskoro Kongreso premal i agenda ka anen pe interesno thaj historikane decizie. Trujal o ničalo mitingo thaj alusar neve legaripaske an o IRU ka oven teme so ka keren pe diskusie so si importantno. Trujal sa ko Kongreso ka anel pe decizia anavkerdi sar "Demokrtasko tranzicia".
Telal "Demokrtasko tranzicia" si o nevo sistemo taro votiba thaj delegiriba e avutne delegatonge an o IRU Khidipa - elektronsko vota . O bare problemia so arakhen pe o Roma sakote an i lumia sar o phagiba olengere hakoenge sar Roma, Anticiganizmo, Segregacia, diskriminacia, i Romani džuvli, akceptiripa e Romen an o lumiakere thaj europakere institucie sar so si UN, EU, EP, EK, KE, EVZ thaj aver institucie. O fokusi ka ovel dendo thaj ko aniba rezolucie thaj deklaracie taro Viktimia an o Holokausto, thaj majzoralo Romano lobi thaj aktivitetia an o sa o segmentia.
O Roma - IRU delegatia so ka len than tari Europa, USA, South Amerika, Azia thaj Australia si drumo thaj sikavipa bašo seriozno buti taro o organizatori te definirinel pe anglal o epiteti e lafeske "Internacionalno" I agenda taro akava Kongreso ikerel thaj Naučno simpoziumi kote than ka len bare pendžarde profesoria, naučnikia, historičaria sa so si an i konekcia e Romencar thaj o genocid an o periodi taro nacistia.
Jekhe lafea taro 18 dži ko 20 marto 2016 berš o Skopje ka ovel simboli so notirinel nevi era thaj historia e Romane aktiviteteske. Odoleske trubul te del pe respekto bašo lendo baro angažmani taro organizatori akale Kongresoske o rajo Zoran Dimov.
O čačuno drom taro funkcioniriba taro IRU dikhela pe. Odoja si i formula sar čačune trebel te funkcionirinel i majpurani romani organizacia a odoja si i Internacionalno Romani Unia - IRU.
