Ko 18 mart 2016 berš agorkerel i destrukciua an i lumiakoro Romani Unia ko Romano Kongresi. Ka užarel pe o anava taro IRU. Ka kerel ko si taro Romane lideria an o IRU, ka kerel arbirtaža thaj agor taro kriminalcia thaj grupe so kamen te keren buti lovenge. Ka havljarel ko si thaj so si o IRU. Ka kerel pe identifikacia e resarinenge, idee strategija. Ka alusaren pe legitimno lideria thaj elektronsko votiba bašo Prezidenteskere alusariba thaj aver pozicie an o regularno kongreso ko 2020 berš.
O momehtalno situacia an o IRU si akaja:
Si la 3 prezidentia. 1. Dorin Čoaba Romania identifikujmo thaj proklamirimo korkoro pestar sar funkcia lendi taro oleskoro mulo dat o Florin Čoaba. Numa o IRU thagariba na merel kana merel o thagar, thaj oleskoro čhavo te lel i funkcia. Odova si de fakto. Odothar dikhel pe o legitimiteto taro IRU, thaj e Dorinoskiri. Odoleske o čhavo taro Florin ko palune berša korkori akcentirinbel pe prezidento, korkoro nomirinela delegatia, komesaria, ministeria thaj aver. A amen traina. Akava kerel reakcia ko čačutne lideria tari IRU so na mangen funkcie thaj keren buti bašo takati, resarina te del pe arka e 10 milionia Roma an i lumia.
Odova so kerela o čhavo taro Florin si akala 10 milionia Roma te keren buti oleske, a na ov olenge.
2. Huan de Dios Ramirez Heredia tari Špania sine avgo so kergja reakcia upral o Dorin kana sine hangimo sar prezidenti an o IRU
3.Nortmund Rudowich tari Latvia romano lideri so holjame kergja reakcia thaj ki Riga sine alusardo sar nevo IRU prezidenti.
Ko si legitimno?
Akava si pučiba bašo sako Rom, numa thaj pučiba ko si legitimno an o EU, UN thaj sa okola so si legitimno so legaren e Romen anglal institucie.
Ko si nadžanel pe. Savore vakerena kaj ola si legitimo, numa ni jekh nadžanel ko si? O probleimi si pobut taro finasiko interesi sar Romano lideri?
O pučiba pašljol ko akava: Sa o trin prezidenti garavena averendar ple idee plania. O internacionalno Jriso taro Hag vakergja kaj o Germancia trubul te pukjinen prekal o Holokausti prekal 50 bilionia dolaria, olendar 47 bilionia e jaudienge thaj 7 bilionia e Romenge. O Izrael lelja o love tari Germania Numa o 7 bilionia dolaria e Romenge nane lende panda. Odoleske si akala konfuzie maškar Romane lideria an o IRU. I Germania ka del o love. Numa kaske taro akala 3 IRU-a? But droma sa o trin frakcie taro IRU vakeren kaj si ola legitimno numa ni jekh na lelja o love. I germania kamel Garancia tari EU thaj ON kaj o IRU ka ovel unificirimi thaj jekh legitimno.
Normalno savore vakeren kaj oleskoro IRU si legitimno , numa ni jekh nane. Odoleske i Germania kamel taro ON unificirime thaj jekh legitimno IRU. Majodorig o EU thaj UN ka den pli decizia, ko paralemntarno komisie thaj ambasade an i sasti lumia upral i ON komisia bašo legitimno IRU.
I dživdi legenda thaj fundavutno e IRU-ske o rajo Grattan Puxon tari Britania kamel te kerel elektronsko votiba maškar i hulavdi Romani nacia an i lumia te šaj alusarel jekh sasto thaj legitimno Prezidenti thaj lideria. Maškar o sa trin IRU-a asavko elektronsko votiba na mangena thaj dikhen asavki forma votiba sar namangli forma. Soske darana? Šaj soske ni jekh olendar nane te ovel alusardo thaj ka našaven ple poziciae akanutne.
Numa asavko elektronsko votiba šaj ovel realiteti so kerel pe buti pobut taro jekh berš. Odoleske o Kongresi an o Skopje , Makedonia ko 18 marto 2016 berš Organiyatori akale kongresoske si o akana "paldimo Premieri taro IRU" o Zoran Dimov. Ov ka khedel 38 thema manuša. Kongresi so si legitimno thaj bašo diskusie taro akana 3 IRU-a. Te anel pe decizia bašo elektronsko votiba kote ko legitimno čhani te alusarel pe Prezidento thaj lideria. Te agorkeren sa o špekulacie taro IRU. Te kerel pe refreš an o IRU ko sa nacionalno thaj internacionalno institucie bizi šubikerin upral o statuso thaj o anav taro IRU.
Te dživdinen sa o Roma an i lumia, te vazdel pe o anav e Devleskoro thaj o užo anav taro IRU. Upre Roma, ušten Romalen savore upre!
Tomas Nikolaef Mladenov
