Sar kotor taro redaktorsko timi taro "Roma Virtual Network" <Această adresă de email este protejată contra spambots. Trebuie să activați JavaScript pentru a o vedea.> o Valeri Novoselski  sar korkoroanavkerdo žurnalisto ko than te kerel jekhipa thaj vazdipa e romane pučipaske, ov lela rig te kerel konfuzia maškar o Roma thaj del dezinformacie.

Pli agorutni hovavni informacia dengja la ko 11 decembro 2015 berš. Čhivgja informacia kaj o Nordmund Rudvič tari  Latvia, si an o Bordo e fondaciake EVZ an o Berlino si reprezento taro IRU.  Ki odoja informacia reagiringja o oficialno IRU kaskoro prezidenti e Parlamentoso o Stevan Balog thaj o premieri Zoran Dimov, rodinde oficijal informacia taro Günter Saathoff, kote angleder jekh kurko sine len dikhipa olea thaj sine notirime kaj di o juni 2016 berš an o Bordo taro EVZ, nane te ovel oficialno membro taro IRU, sa dži kote na anel pe decizia ko si validno IRU, taro o duj paralelno IRU-a.  O Günter Saathoff kotar o Bordo taro EVZ  ko plo antvorto citirinel: "O Nordmund Rudovič alo korkore iniciatvno an o Berlino ko khedipa taro EVZ Bordo, thaj ov odote sine sar korkoro misafiri, thaj na sine le niami te kerel diskusia, jali te del vota". Numa o Valerij Novoselski (so si kotor tari nalegalno IRU - Latvia), plasiringja dezinformacia kaj o Rudovič sine sar reprezento taro IRU an o Bordo taro EVZ.

Akale aktea o Valeri sikavgja naobjektivno thaj hovavni percepcia, thaj plasirinela dezinformacie kote odola dikhen len sa o relevantno lumiakere institucie - UN, OSCE, EU, EP, EK, Europakoro Konsilo thaj aver institucie , kaste dirketno anel dži ki konfuzia pire hovavne informaciencar. Akale aktea O IRU akana ka lel krisoskere aktia mujal o Valeri Novoselski, anglal sa o institucie, thaj ka trubul te del piro džovapi anglal akala institucie, soske kerel selekcia an o informacie thaj na del objektivno informacie, a ko jekh te finansirinel piro medium lela love taro  sa o riga an i lumia. Premal o IRU o Valeri Novoselski kerel bare selektivno informacie thaj na mukhel sa o informacie an o "Roma Virtual Network" <Această adresă de email este protejată contra spambots. Trebuie să activați JavaScript pentru a o vedea.>, kana oleske resena. Sar egzamplo ko 28 thaj 29 oktobro akava berš an o Skopje ikergja pe Parlamentarno khidipa taro IRU, dendi si leske oficialno informacia, numa ov odoja informacia na dingja la ni jekh drom, a ko jekh sar ikergja pe o nalegalno IRU Kongreso an i Riga Latvia taro 15 avgust 2015 berš, o Valeri Novoselski si membro taro odova nalegalno IRU - Latvia , ov ni jekh drom na dengja informacie bašo aktivitetia taro aktuelno IRU kaskoro prezidento o Dorin Čoaba, premieri Zoran Dimov Prezdineti taro IRU Parlamenti o Stevo Balog. Premal o lafia taro IRU dikhel pe kaj o Valeri Novoselski kerel buti bašo nalegalno IRU - Latvia, thaj del hovavne informacie.

Odoleske o Premieri Zoran Dimov thaj o Prezidenti e parlamenteske o Stevo Balog, ka vazden kriseksoro akti thaj te raspučen pe kotar o Valeri Novoselski lela love bašo finasiribe pire web sajtoske thaj anel konfuzia ko informiriba thaj del hovavne informacie. Odoleske ka keren kontrola thaj ka roden taro sa oleskere fonderia te roden raporto kote thaj sar del o love. O premieri Zoran Dimov pučel an o savo nteres kerel buti o Valeri? Kaskoro šiono si e gadjengoro jali e romengoro?

fShare

Tweet