I internacionalno Romani Unia- IRU ki piri agorutni Pparlamentarno sesia ko 28 thaj 29 juni ko Skopje, R. North Macedonia sine promovirimi i inicijativa dende propozalea taro presidento ko IRU o Zoran Dimov anavkerdi sar "Inicijativa formirinel pe Biathinalo ofiso - Konatkat Point - Romano Ombdusmano"
I Inicijativa sine presentirime tari rig e rajoske Željko Šajn - magistri taro Jurisdikciakere nauke tari R.Srbia.
Džajbajak taro konkluzno dokumentia taro konsilo e Europakoro , e Pervazeskiri Konvencia ki protektiva e nacionalno minjoritetonge thaj Europakiri konvencia manušikane niamenge thaj fundamentalno tromalipa, thaj taro anti -diskriminatorsko kaknonia ki Europakiri Unia, so si len mehanizmoa te kerel protektiva e manušikane niamenge ko jekh i romani jekhin na istemalkerel len , thaj nane len representoa thaj akcepcioneroa ko akala strukture , a te šaj majzorale te iranel i pakjiv maškar o romane representoa bahamkerel te formirinel pe Kontakt point: Romano Ombdusamno!
Akaja institucia ko starti te ovel ko pervazioa o IRU-ske sar akceptatori ki romani jekhin maškar o Roma thaj o aktuelno institucie te definirinel piro mandato tetlal sponzorstvo taro aver Internacionalno aktivne em regionalne organizacie thaj olakiri institucionalizacia.
Odoleske udžarel pe suporto tari europakiri Unia, Konsilo e Europakoro, Unime Nacie , thaj tari i Francia so prekal piro Ambasadori ki republika North Macedonia vakergja kaj si zainteresirime te del suporto ko akava proceso.
I Inicijativa formiriba biathinalo ofiso - Kontakt point Romano Ombdusmano iklolja taro aktuelno aktia ko umalja taro respektiriba o Fundamentalno manušikane niamia thaj tromalipa , akcentea ki Romani Nacia.
