I IRU delegacia legardi taro presidento Zoran Dimov thaj o vice presidento Anatoly Butakov ko vakti tari piri visita an i Ženeva trujal aver dikhiba sine le mitingo e uče membroncar taro Lumikaoro Konsilo e Khangirenge - WCC.
Hazri baši kolaboracia maškar o IRU thaj o WCC ko vakti e kerde mitingoske e Generalno sekretarea taro WCC, Dr Olav Fykse Tveit thaj o Direktoro e Komisiake tari Lumikairi Misia thaj Evangelismo o Risto Jukko.
O duj da riga akcentiringje kaj salde kerde akcijaja te keren uniba, ka keren baro progreso angle an i religiakiri hierarhia thaj plano.
O akcento sine čhivdo ki korelacia thaj i rolja taro pastoroa so ka iranen majbari sama an i religiakiri edukacia , kultura thaj tradicia maškar o romano nacionaliteto bizi diferenca kobor si bare, pol thaj socialno nivelo, te sikljoven thaj implementirinen sa e devleskere mesažoa sar so si an o Develskere lila - Biblija.
Odoleske ka keren pe incijative, mitingoa thaj khidipa e pastorencar kote te trubul ka organizirinen pe thaj praktike an i konekcia te šaj realizirinen pe akala plania.
O čalipa tari kolaboracia sine reflektirimi ko agor akale mitingoske thaj o hazri te keren majodorigutni komunikacvia thaj realizacia e resle kontraktonge.
