An o trintodi an o Parlamento e Rmakedoniake sine mitingo aso Konsili e Interparlamentarno grupake kote od eputato Samka Ibraimovski vakergja kaj si le kerdi Deklaracia e Romane niamenge an i Makedonia. Aso oleskiri notacia odoja Deklaracia si oleskiri idea thaj ov kergja la. Palo odova phravdili diskusia an o socialno netvorko maškar kote sine reakcia thaj taro aktuelno Presidento an o IRU o Zoran Dimov , kote notiringja kaj akaja Deklaracia šaj te ovel lendi bizi dozvola em tari engleder kerdi thaj keririmi deklaracia ko kotor taro Strateško pervazi 2019 -2021 thaj Strateško resolucia anavkerdi sar "Roma an i kriza - Nacia an o aktiviteto" kerdi thaj hazrkerdi tari i Internacionalno Romani Unia -IRU . Akala duj but importantno dokumentia si kerde thaj ande pali but buvljardi diskusia thaj mitingo kerde maškar o delegatoa thaj IRU membrora an o thavdipa taro 2018 berš thaj trujal o membrora taro IRU ko kreiriba akala strateško dokumentoa than lele thaj but aver ekspertoa so keren aktivno buti an o odola umalja. Odola dokumentia si bičhavde thaj ko UN thaj EU thaj ko jekh si havljarde em postirime an i veb rog taro IRU - https://iromaniunion.org/ (šaj akate dikhen pe)) Sebepi akava akti an o socialno netvorko sine diskusia kote maškar aver an o pire komentaria an o FB o korkoro deputato Ibraimovski phravde vakerela kaj odova dokumento si oleskoro thaj nane lendo nikotar thaj sa odova negirinela, numa nikaske na sikavgja so ikerel odoja deklaracia dopheribaja kaj oj panda nane definirime thaj ka ovel Rezolucia so ka ovel prezentirime palo odova. Trujal sa o notacie taro IRU ko jekh reagirinela kaj odola dokumentia kaj si kreirinime tari olengiri rig kote si akceptirime sa o Roma (odothe khuvel thaj o Roma tari Makedonia), thaj si šubikerena kaj odova dokumento šaj si dendo tari persona so sine an o timi an i kreacia akale dokumenteske thaj indirektno lelja than thaj palo odova šaj sine dendo olestar e Samka Ibraimovski. Ko jekh anglutne notirime lafia taro Samka Ibraimovski sebepi nahaljoviba so individualno , so partisko sine konfliktia ko vakti kana ikavgje e ex ministere bizo resor Aksel Ehmedovski thaj than odole poziciake , anava taro kandidatia sa dži ki notacia e akanutne aktuelno ministere Bajram Muzafer, sine čhingar ki partia PCER thaj hulaviba e partiake an o paščimalo thaj purabalo bloko. Kana akaja buti agorkergja e thaneske ministeri bizo resoro sebepi sar iosveta - garazi kaj akale nahaljobisake an o PCER si kerdo taro desave NGO taro odova purabalo bloko iklilo notacijaja kaj o Romane NGO ko nakhle berša lele 25 milionia dolaria a rezultatia nane! Ov prekal socialno netvorko thaj desave mediumia bičhavgja šubikerin thaj došperavin. Del pe pučiba soske o Samka dži akana na kergja reakcia akale aktenge te sine le džanlipa kaj Romane NGO em naRomane NGO lele odola love thaj te del i lista ko si odola jali majpopularno vakerdo te kerel jekh "Parno lil" a na te čhivel sa e Romane NGO ko jekh kazani. Isi institucie thaj instrumentia so šaj keren akaja buti a na javno te kaljarel e NGO so šaj keren transparentno thaj čačune piro aktiviteto. Numa panda majtransparentno ka ovel kote korkoro ka del peske raporto bašo oleskoro džiakanutno kerdo aktiviteto sar deputati thaj sar Ministeri bizo resoro bašo leskoro kerdo džiakanutno butikeriba thaj kobor love lelja thaj kote dengja odola love. Aso akala aktia da o IRU nane te ačhol akate nima an o sa o forme ka rodel atnvorto thaj o čačipa bašo o upreder notirime aktia.

fShare

Tweet